Gornäk (Altajan rand)

Gornäk
Горняк
	Lidnanznam;
Valdkund	Venäma
Eläjiden lugu (2021)	10,112 ristitud
Pind	28,09 km²
Pämez'	Lüdmila Volkova; (sügüz'ku 2017—)
Telefonkod	+7−38 586-xx-xxx
Avtokod	22
Aigvö	UTC+7 (MSK+4)

Gornäk (ven.: Горня́к) om Venäman lidn da lidnankund Altajan randan suves. Se om Lokotin rajonan administrativižeks keskuseks da palaks.

Istorii

Zolotuhan kaivuz om avaitud vspäi 1751. Vl 1942 panihe Gornäk-žilon alust otmaha kaivut kävutamižhe nügüdläižikš, ümbriradoihe äimetallišt kivendod. Vl 1946 kätihe Gornäkad lidnanvuiččeks žiloks, vl 1954 — rajonkeskuseks. Žilo sai lidnan statusad vl 1969.

Gornäk-lidn šingotihe Altajan kaivuzkombinatal (küllästamižfabrikal) vhesai 1998^[1], sadihe nenid metalloid: vas'k, cink, tin, hahktin, alüminii, kuld i hobed. Ližatoi tehmine roimahti kombinatad, i sen alusel avaitihe katilmašiništon mehaništ tegint. Mouckiventegim, leibtegim i omblendfabrik ratas lidnas mugažo.

Geografijan andmused

Lidn sijadase rajonan suves, Zolotuh-jogen randal (ven.: Золотуха, Alein hura ližajogi 68 km pitte, Obin bassein), 270 m ü.m.t. keskmäižel korktusel.

Matkad Kazahstanan röunhasai (Päivnouzmaiž-Kazahstanan agj) om viž kilometrad suvipäivlaskmha avtotedme, Barnaulhasai — 300 km pohjoižpäivnouzmha orhal vai 360 km kaikil teil. Lähembaižed lidnad oma Zmeinogorsk vižkümne koume kilometrad pohjoižpäivnouzmha orhal vai 65 km avtol, Šemonaih (Kazahstan) 51 km suvipäivnouzmha orhal vai 86 km raudtedme i Rubcovsk 62 km lodeheze orhal vai 78 km trassadme.

Tobmuz

Gornäk om lidnankundan üks'jäižeks eländpunktaks.

Eläjad

Vn 2010 Venäman rahvahanlugemižen mödhe lidnan eläjiden lugu oli 13 918 ristitud, rajonan pol', vn 2021 — 10 112 ristitud. Kaik 12 972 eläjad oli lidnas vl 2017. Kaikiš suremb lidnan ristitišt oli 15..16 tuh. eläjid vll 1970−2008 (16 643 rist. vl 1970).

Ortodoksižen hristanuskondan kaks' pühäpertid^[2] oma saudud lidnas: ph. Mikulai-čudonsädajan jumalanpert' (2003) i ph. Jelisaveta Feodorovna-ruhtinaznaižen-moknikan časoun' (2008).

Openduz

Lapsiden opendusen aluzkundad oma nell' nimitadud päivkodid, kaks' keskškolad (nomer 2 i 4), gimnazii nomer 3, lapsiden sädamižen pert', Lokotin čomamahtoiden škol, lapsiden da norišton sportškol.

Lokotin tehnologižen tehnikuman (baziruiše rajonan Novomihailovk-žilos 30 km lodeheze lidnaspäi) filial^[3] om lidnan professionaližen opendusen aluzkundaks.

Homaičendad

Irdkosketused

Lidnankundan lehtpoled Lokotin rajonan tobmuden aluzkundoiden saital (loktevskiy-rn.ru). (ven.)

Gornäk (Altajan rand) Vikiaitas

	Altajan randan lidnad
	Aleisk \| Barnaul \| Belokurih \| Bijsk \| Gornäk \| Jarovoje \| Kivi Obil \| Novoaltaisk \| Rubcovsk \| Slavgorod \| Zarinsk \| Zmeinogorsk

[1] Istorine kuvakirjutuz. — Gornäkan mehanine tegim (gmz22.ru). (ven.)

[2] Gornäk-lidnan pühäpertid sobory.ru-saital. (ven.)

[3] Lokotin tehnologižen tehnikuman sait (loktteh.ru). (ven.)

[1]

[2]

[3]