Jarovoje
Lidnanznam![]() |
Flag![]() |
Valdkund | Venäma |
Eläjiden lugu (2021) | 17,939 ristitud |
Pind | 44,38 km² |
![]() | |
Pämez' | Vitalii Samobočii (sulaku 2016—) |
Telefonkod | +7−38 568-xx-xxx |
Avtokod | 22 |
Aigvö | UTC+7 (MSK+4) |
Jarovoje (ven.: Яровое) om Venäman lidn da lidnümbrik Altajan randan lodehes.
Istorii[redaktiruida | redaktiruida purde]
Vl 1942 sauvoškanzihe Slavgorodan himišt tegint. Eländpunktan aluz om pandud vl 1943 žilho evakuiruidud bromtegimenno Krimaspäi. Vl 1944 pästtihe töhö tegint, saudihe sidä da žilod täuzin vhesai 1980. Vn 1993 30. päiväl keväz'kud joudutihe žilod Slavgorod-lidnan alištusespäi i anttihe Jarovojele lidnan statusad.
Himine tegim eli bankrotnendan proceduras läbi vl 2011, se pästab levitadud himižid substancijoid, kodihimijan tavaroid, sauvondmujuid. Lidn šingotase mugažo kurortaks järven randal.
Geografijan andmused[redaktiruida | redaktiruida purde]
Lidn sijadase Kulundan stepin zonas, solakahan Sur' Jarovoje-järven (ven.: Большое Яровое, 53..70 km²) pohjoižel randal, 95 m ü.m.t. keskmäižel korktusel. Matkad Kazahstanan (Pavlodaran agj) röunhasai om 20 km päivlaskmha, Barnaulhasai — 460 km päivnouzmha avtotedme. Lähembaine lidn da raudtestancii om Slavgorod 10 km pohjoižpäivnouzmha avtotedme.
Jarovoje om lidnümbrikon üks'jäine eländpunkt.
Eläjad[redaktiruida | redaktiruida purde]
Vn 2010 Venäman rahvahanlugemižen mödhe eläjiden lugu oli 18 604 ristitud. Kaikiš suremb ristitišt oli 23 200 eläjad vl 1996.
Ortodoksižen hristanuskondan naižjumalankodi i jumalanpert' oma olmas lidnas.
Jarovojen politehnine tehnikum[1] om professionaližen opendusen aluzkundaks.
Galerei[redaktiruida | redaktiruida purde]
Homaičendad[redaktiruida | redaktiruida purde]
Irdkosketused[redaktiruida | redaktiruida purde]
Jarovoje Vikiaitas |
Altajan randan lidnad | ||
Aleisk | Barnaul | Belokurih | Bijsk | Gornäk | Jarovoje | Kivi Obil | Novoaltaisk | Rubcovsk | Slavgorod | Zarinsk | Zmeinogorsk | ||