Slavgorod (Venäma)

Slavgorod
Славгород
	Lidnanznam;
Valdkund	Venäma
Eläjiden lugu (2021)	27,900 ristitud
Pind	53,32 km²
Pämez'	Lüdmila Podgora; (kezaku 2020—)
Telefonkod	+7−38 568-xx-xxx
Avtokod	22
Aigvö	UTC+7 (MSK+4)

Sil sanal voib olda toižid znamoičendoid; miše nähta niid, tulgat tänna.

Slavgorod (ven.: Сла́вгород) om Venäman lidn Altajan randan lodehes. Se om Slavgorodan lidnümbrikon administrativine keskuz (vspäi 2012).

Istorii

Eländpunktan aluz om pandud vl 1910. Se sai lidnan statusad vl 1914. Transsiban raudtesarak tuli lidnha vl 1917.

Vspäi 2012 ühtištadihe Slavgorodad da sen rajonad lidnümbrikho.

Slavgorod šingotase radiotegimel, maidkombinatal, tagondpressmašiništon tegimel.

Geografijan andmused

Lidn sijadase Sikači- da Sur' Jarovoje-järviden keskes, Kulundan stepin keskuses, 115 m ü.m.t. keskmäižel korktusel.

Matkad Barnaulhasai om 394 km päivnouzmha raudtedme, Kazahstanan röunhasai — kaks'kümne kilometrad suvipäivlaskmha. Lähembaine lidn om Jarovoje kümne kilometrad suvipäivlaskmha avtotedme.

Tobmuz

Kaik 23 žilod mülüdas lidnümbrikho Slavgorodan ližaks, sidä kesken Slavgorodskoje-žilo (3 557 rist. vl 2013) ani pohjoižhe lidnaspäi. Lidnümbrikon pind — 2 137 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 32 389 ristitud, rajonan — 10 186 ristitud, vn 2021 lidnan — 27 900 eläjad. Vl 2017 kaik 30 186 ristitud elihe lidnas i 40 438 ristitud kaikes lidnümbrikos. Kaikiš suremb lidnan ristitišt oli 38 413 eläjad vl 1959 i 33..35 tuh. eläjid vll 1989−2008.

Ortodoksižen hristanuskondan kaks' jumalanpertid^[1] i katoline pühäpert' oma saudud lidnas. Islaman pühäpert' om sauvomas.

Lapsiden opendusen aluzkundad oma päivkodid, keskškolad. Professionaližen opendusen aluzkundad oma agrarine tehnikum^[2] i pedagogine kolledž^[3].

Galerei

Randan potrebsojuz:an baz (2016)
Ph. Mikulai-čudonsädajan kafedraline päjumalanpert' (ortodoksine hristanuskond), vn 2019 nägu (om saudud vll 1978−1979)
Tagondpressmašiništon tegimen kontor vl 2016
Lidnan kul'turkeskuz (2016)
Slavgorod-päraudtestancijan sauvuz vl 2012

Homaičendad

Irdkosketused

Lidnan tobmuden aluzkundoiden oficialine sait (slavgorod.ru). (ven.)

Slavgorod (Venäma) Vikiaitas

	Altajan randan lidnad
	Aleisk \| Barnaul \| Belokurih \| Bijsk \| Gornäk \| Jarovoje \| Kivi Obil \| Novoaltaisk \| Rubcovsk \| Slavgorod \| Zarinsk \| Zmeinogorsk

[1] Slavgorodan pühäpertid sobory.ru-saital. (ven.)

[2] Slavgorodan agrarižen tehnikuman sait (sagrar.ru). (ven.)

[3] Slavgorodan pedagogižen kolledžan sait (mysttc.ru). (ven.)

[1]

[2]

[3]