Insbruk

Insbruk
Innsbruck
	Lidnanznam;
Valdkund	Avstrii
Eläjiden lugu (2023)	131,358 ristitud
Pind	104,91 km²
Pämez'	Georg Villi; (semendku 2018—)
Telefonkod	+43−512
Aigvö	tal'vel UTC+1,; kezal UTC+2

Insbruk (saks.: Innsbruck «sild Inn-joges päliči», sen tirolin pagin: Innschpruckh) om lidn da mägisuksiden kurort Avstrijan päivlaskmas. Se om Tirol'-federacijanman administrativine keskuz da kaikiš suremb lidn, valdkundan videnz' lidn eläjiden lugun mödhe.

Vozil 1964 da 1976 Insbruk vastsi Tal'volimpiadan vändoid, vll 1984 i 1988 — sen paralimpižid vändoid, vl 1968 — Videnden Tal'vuniversiadan vändoid.

Istorii[vajehta | vajehtada lähte]

Eländpunktan aluz om pandud vl 1234 Burgundijan Otton III-grafan käskön mödhe. Sai lidnan oiktusid vl 1239.

Insbruk šingotase turizmal (enamba üht millionad ödumišt vodes), mugažo energetižen «Tiwag»- i medicinižladimiden «MED-EL»-kompanijoiden päfaterad sijadasoiš lidnas.

Geografijan andmused[vajehta | vajehtada lähte]

Lidn sijadase federacijanman da Päivnouzmaižiden Al'piden keskuses, 574 m ü.m.t. keskmäižel korktusel. Se seižub Inn-jogen molembil randoil, om ümbärtud korktoil mägil. Matkad Venhasai om 478 km päivnouzmha. Lähembaine järed lidn om Münhen (Saksanma) 150 km pohjoižhe.

Klimat om ven kontinentaline. Voden keskmäine lämuz om +9,8 C°, kezakun-elokun +18..20 C°, vilukun −0,8 C°. Paneb sadegid 864 mm vodes, enamba kaiked elokus (143 mm).

Eläjad[vajehta | vajehtada lähte]

Vl 2011 lidnan eläjiden lugu oli 118 895 ristitud. Vl 2018 lidnan ristitišt oli 132 493 ristitud, se oli kaikiš suremb.

Kaik viž jumalankodid i 11 jumalanpertid om saudud lidnas, mugažo Ambras-zamk.

Transport[vajehta | vajehtada lähte]

Avtobusad da tramvaid oma kundaližeks transportaks lidnas.

Rahvahidenkeskeine civiline Insbruk-lendimport (INN, sijaline nimi Kranebitten) sijadase nelläs kilometras lidnan keskusespäi. Tehtas reisid Evropadme.

Irdkosketused[vajehta | vajehtada lähte]

Lidnan oficialine portal (innsbruck.at). (saks.)

Insbruk Vikiaitas

	Avstrijan federacijanmad da niiden administrativižed keskused
	Alaavstrii (Sankt Pöl'ten) \| Burgenland (Aizenštadt) \| Forarl'berg (Bregenc) \| Karintii (Klagenfurt) \| Štirii (Grac) \| Zal'cburg (Zal'cburg) \| Tirol' (Insbruk) \| Ven \| Üläavstrii (Linc)