Aizenštadt

Aizenštadt
Eisenstadt
Lidnanznam;	Flag;
Valdkund	Avstrii
Eläjiden lugu (2025)	16,118 ristitud
Pind	42,88 km²
Pämez'	Tomas Šteiner; (kül'mku 2011—,; Thomas Steiner)
Telefonkod	+43−2682
Aigvö	tal'vel UTC+1,; kezal UTC+2

Aizenštadt (saks.: Eisenstadt [ˈaɪzn̩ʃtat] «raudlidn», bavarijan pagin: Eisnståd, mad'j.: Kismarton) om Avstrijan lidn valdkundan päivnouzmas. Se om Avstrijan Burgenland-federacijanman administrativižeks keskuseks da palaks.

Istorii

Eländpunkt mainitase ezmäižen kerdan vl 1118 kuti latin.: Castrum Ferreum («raudlidnuz»). Om nügüdläiženke nimenke vspäi 1373. Mad'jaran bajarišton Kanižai-rod valdoiči lidnal vspäi 1373 i sauvoi varmitadud lidnust. Aizenštadt sai torguindan oiktusid vl 1388. Lidn oli anastadud turkoil kahtišti heiden tel Venannoks vll 1529 i 1532. Mad'jaran Esterhazi-ruhtinazkodi valdoiči lidnal vspäi 1647. Vl 1648 Pühän Rimalaižen imperijan Ferdinand III-imperator kändi Aizenštadtad joudjaližeks lidnaks, avar lidnansauvomine zavodihe sil aigal. Raudte tuli lidnha vl 1897.

Aizenštadt šingotase kahesal edheotandal enamba mi 200 radajanke i penen biznesan kompanijoil. Gaidnan festival' i 1000 vinan festival' mändas lidnas.

Geografijan andmused

Lidn sijadase federacijanman pohjoižpalan päivlaskmas, Leitha-mägiden suvipautkil i Vul'k-jogen alangištos (saks.: Wulka), 182 m ü.m.t. keskmäižel korktusel.

Matkad Ven-pälidnhasai om nell'kümne kaks' kilometrad pohjoižhe orhal vai 58 km avtoteidme, Mad'jaranman röunhasai om kaks'toštkümne kilometrad suvhe orhal.

Tobmuz

Lidnan nevondkund kogoneb 29 ühtnijaspäi (vn 2022 andmused).

Edeline lidnan pamez' oli Andrea Fraunšil' (Andrea Fraunschiel, viluku 2007 — kül'mku 2011, eli vll 1955–2019).

Eläjad

Vn 2011 Avstrijan rahvahanlugemižen mödhe lidnan eläjiden lugu oli 13,101 ristitud, vn 2021 — 15,220 ristitud. Kaikiš suremb lidnan ristitišt om nügüd'.

Galerei

Lidnankundan tobmuden sauvuz (2004)
Ph. Martinan päjumalanpert' (riman katoline), vn 2016 heinkun nägu
Bergkirche («jumalanpert' kukhal», vai Haydnkirche, katoline) Pühän Marijan seibhanke ezimal, vn 2016 nägu
Esterhazi-zamk vn 2006 semendkus
Lidnan päraudtestancii vl 2011

Irdkosketused

Lidnan oficialine sait (eisenstadt.gv.at). (saks.)

Aizenštadt Vikiaitas

	Avstrijan federacijanmad da niiden administrativižed keskused
	Alaavstrii (Sankt Pöl'ten) \| Burgenland (Aizenštadt) \| Forarl'berg (Bregenc) \| Karintii (Klagenfurt-am-Vörterze) \| Štirii (Grac) \| Zal'cburg (Zal'cburg) \| Tirol' (Insbruk) \| Ven \| Üläavstrii (Linc)