Järved (külä)

Järved
Лукинская

Valdkund	Venäma
Eläjiden lugu (2017)	197 ristitud
Telefonkod	+7−81 365-xx-xxx
Avtokod	47
Aigvö	UTC+3 (MSK+0)

Järved, vai Järvenkülä, Järvidenkülä, Järvidekülä (ven.: Луки́нская, pagin. Озёра, suom.: Järvienkylä) om vepsän külä Leningradan agjan Kos'kenaluižen rajonan suves. Mülüb Vinglan küläkundha vspäi 2006.

Istorii

Külišt mainitase ezmäižen kerdan vl 1496. Se om ühtištadud eländpunktaks vn 1970 tal'vkun 31. päiväspäi. Oficialine venän nimituz om anttud suremban külän mödhe, ei ole külišton. Nevondkundaližen aigan külä šingotihe maidon tehmižel.

Vhesai 2006 külä oli Järviden küläkundan keskusen koumetoštkümnenke eländpunktanke.

Geografijan andmused

Külä sijadase Ojat'-jogen hural randal, kus jogi i sijaline järv sätas kaglast.

Kaik om kahesa nimitadud irdad da kaks' kujod küläs.

Eläjad

Vn 2002 Venäman rahvahanlugemižen mödhe külän eläjiden lugu oli 241 ristitud (venälaižed — 57 %, vepsläižed — 42 %, toižed rahvahad — 1 %). Vn 2010 rahvahanlugemižen mödhe külän eläjiden lugu oli 223 ristitud. Vodele 2017 ristitišt poleni i oli 197 eläjad. Kaikiš suremb külän ristitišt oli 334 eläjad vl 1989.

Ortodoksižen hristanuskondan kaks' pühäpertid oliba saudud küläs. Sätud vl 1909 Jumalannägundan (vai Mikulai-čudonsädajan) puine jumalanpert' om kaičenus paloin i ei ole rados. Pühän Jumalanmaman Emäganpäivän puine jumalanpert' om saudud vl 1689. Se om sauptud vl 1932, kävutadas kul'turkeskuseks.

Vspäi 2008 külän škol ei ole rados, vspäi 2009 — päivkodi-ki. Kirjišt i feršaliž-akušerine punkt oma Järviš.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.