Mäggär'v

Mäggär'v
Миницкая

Valdkund	Venäma
Eläjiden lugu (2021)	6 ristitud
Telefonkod	+7−81 365-xx-xxx
Avtokod	47
Aigvö	UTC+3

Mäggär'v (vai Mäggär', ven.: Миницкая, vepsän kirjamil: Minickaja) om vepsän külä Leningradan agjan Kos'kenaluižen rajonan suves. Mülüb Vinglan küläkundha.

Istorii

Eländpunkt mainitase ezmäižen kerdan vn 1563 Änižen pätinan aigkirjas kuti külišt seičemes penes küläspäi (üks'..kaks' tanhad kaikuččes) ven.: на Мяг озере, alištuiba Sudakovad-pomeššikoile. Vl 1910 oli žiloks (ven.: село Мининское), vll 1927−1967 — küläkundan keskuseks. Vl 1940 külišt mainitase Мягозеро-nimen al, anttihe lähižen järven mödhe, kudamb sijadase severziš-se kilometriš. Vn 1971 augotišes ühtištadihe külišton külid oficialižeks, uz' eländpunkt sai suremban külän nimed. Sijaližiden eläjiden paginoiš eländpunktan paginnimi om Мягозеро.

Geografijan andmused

Külä sijadase järven pohjoižel randal (ven.: Юргозеро), ühtes kilometras suvhe Sur' i Pen' Mäggär'višpäi. Siš om koume nimitadud irdad i nell' kujod.

Matkad küläkundan Vingl-keskushesai om nell'kümne kaks' kilometrad pohjoižhe.

Eläjad

Vn 2002 kaiken Venäman rahvahanlugemižen mödhe külän eläjiden lugu oli 83 ristitud, heiden keskes vepsläižed otiba 76 %. Vl 2017 külän ristitišt oli 38 eläjad. Vn 2021 rahvahanlugemižen mödhe külän kaikenaigaižiden eläjiden lugu om kuz' ristitud, heišpäi viž ristitud oma vepsläižikš i üks' ristit kirjutihe venälaižeks. Kaikiš suremb Mäggären ristitišt oli 602 eläjad vl 1926.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.