Kurb

Kurb
Курба

Valdkund	Venäma
Eläjiden lugu (2021)	109 ristitud
Telefonkod	+7−81 365-xx-xxx
Avtokod	47
Aigvö	UTC+3 (MSK+0)

Kurb (ven.: Ку́рба) om vepsän žilo Venäman Leningradan agjan Kos'kenaluižen rajonas. Se mülüb Vinglan küläkundha.

Istorii

Eländpunktan aluz om pandud vl 1960, šingotihe mecan varhapanendal. Vll 1967−2006 žilo oli Kurban küläkundan administrativižeks keskuseks.

Geografijan andmused

Žilo sijadase küläkundan i kaiken rajonan suves, seižub Ojat'jogen hural randal.

Matk rajonan Kos'kenaluine-keskushesai om 111 km lodeheze, se-žo lähembaine raudtestancii. Mante veb Kurbaspäi Vinglaha, avtobus № 421 ajeleb sidme (seičeme reisad nedališ), matkad om koumekümne kuz' kilometrad pohjoižhe.

Kaik om kuz' nimitadud irdad da nell' kujod Kurbas.

Eläjad

Vn 2010 kaiken Venäman rahvahanlugemižen mödhe žilon eläjiden lugu oli 285 ristitud. Vn 2021 kaiken Venäman rahvahanlugemižen mödhe žilon ristitišt oli 109 kaikenaigašt eläjad, heišpäi 60 oli vepsläižikš, 43 oli venälaižikš, üks' oli moldovalaižeks i üks' oli kirgizlaižeks. Kaik 275 eläjad oli registriruidud žilos vl 2017. Kaikiš suremb žilon ristitišt oli 530 eläjad vl 1971 i 497 eläjad vl 1989.

Ei ole pühäpertid žilos.

Kurbas nened valdkundaližed aluzkundad oma saudud: augotižškol (vll 1968−2009 erine keskškol oli) da päivkodi, kul'turpert' i Vepsän muzei, kirjišt, počt (indeks 187773), fel'dšeriž-akušerine punkt.