Kall' (külä)

Kall'
Щелейки

Valdkund	Venäma
Eläjiden lugu (2021)	17 ristitud
Telefonkod	+7−81 365-xx-xxx
Avtokod	47
Aigvö	UTC+3 (MSK+0)

Ph. Dmitrii Solunalaižen jumalanpert'. Vn 1985 fotokuva restavracijan aigan

Kall' (ven.: Ще́лейки) om pen' vepsän külä Leningradan agjan Kos'kenaluižen (Podporožjen) rajonan pohjoižpäivnouzmas, sen Ust'kan lidnankundas.

Geografijan andmused

Kall'-külä sai ičeze vepsän nimen järgeližetoman kall'sel'gan tagapäi läheli eländpunktad, kudamb om atipine reljef sile tahondale. Se om 1,4 kilometran pitte, i pordhan korktuz om vižkümnehe metrhasai. Nece kall'sel'g om Venäman eriline varatud londuzterritorii.

Külä sijadase Süvär'-jogen oiktal randal, läz Äništ. Matkad Ust'kahasai om 15 kilometrad «Petroskoi — Ust'ka»-avtotekeskustadme.

Eläjad

Kall'-külän eläjiden lugu oli 35 ristitud 2007-ndes vodes, enambuz heišpäi — etnižed vepsläižed. Sen ühtes, 19. voz'sadan lopindal vepsän augotižlibund oli kaikil eläjil. Kaik 34 eläjad oli registriruidud küläs vl 2017. Vn 2021 kaiken Venäman rahvahanlugemižen mödhe külän ristitišt oli 17 kaikenaigašt eläjad, heišpäi kaik kirjutihe venälaižikš. Kaikiš suremb eläjiden lugu oli 421 ristitud vl 1905. Külän ristitišt poleni teravas nevondkundaližen aigan.

Ortodoksižen hristanuskondan ph. Dmitrii Solunalaižen jumalanpert' om saudud Kall'os vl 1783.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.