Ust'ka

Vikipedii
Mine navigeerimisribale Mine otsikasti
Ust'ka
Вознесенье
 Lidnanznam
Coat of Arms of Voznesenye (Leningrad oblast).jpg
 Flag
Flag of Voznesenye, Leningrad Region, Russia.jpg
Valdkund Venäma
Eläjiden lugu (2015) 2,442 ristitud
Ust'ka Вознесенье
Pämez' Ol'ga Fatejeva
(2014—)
Telefonkod +7-81 365
Avtokod 47
Aigvö UTC+3 (MSK+0)


Ust'ka (ven.: Вознесенье) om Venäman lidnanvuitte žilo Leningradan agjas, Kos'kenaluižen rajonan pohjoižpäivnouzmpoles. Se om Ust'kan lidnkundan administrativine keskuz.

Lähembaižed lidnad oma Kos'kenaluine (91 km) da Vitegr.

Istorii[redaktiruida | redaktiruida purde]

Žilon aluz om pandud 19. voz'sadan keskel kuti külä Änižen kanalan sauvondan tagut. Vl 1935 elokun 20. päiväl külä kändihe žiloks.

Vozil 1927−1954 Ust'ka oli ühtennimižen rajonan administrativižeks keskuseks.

Toižen mail'man sodan aigan žilo oli okkupacijan al vodhesai 1944.

Geografijan andmused[redaktiruida | redaktiruida purde]

Žilo om Leningradan agjan kaikiš edahamb Piterišpäi lidnalaine eländpunkt.

Ust'ka-žilo seižub Süvär'-jogen muugotil randoil da Änižjärven randištol, 39 metrad valdmeren pindan päl keskkorktusel. Ehtatim ühtenzoitab jogen randad.

Matkad Piterihesai om 356 kilometrad päivlaskmha.

Ust'kan lidnkundan pind om 1722 km². Se mülütab Ust'ka-žilod da 9 küläd. Niiden tobj pala sijadase läz Änižrandad.

Tobmuz[redaktiruida | redaktiruida purde]

Lidnkund jagase 2 valičemižümbrikoks. Lidnkundan pämez' om Ol'ga Fatejeva vs 2014 sügüz'kun 23. päiväspäi. Sen Ezitajiden Nevondkund mülütab 10 deputatad.

Eläjad[redaktiruida | redaktiruida purde]

Vn 2010 kaiken Venäman rahvahanlugemižen mödhe 2425 ristitud elädas žilos, 3029 — kaikes lidnkundas.

Vn 2002 kaiken Venäman rahvahanlugemižen mödhe 30 vepsläšt elädas žilos.

Mülüjad lidnkundha küläd (Äniženrandan mödhe, pohjoižespäi suvhe):

Seižutadud Juksovičin järven randal küläd lidnkundan suvipäivlaskmas:

Ižanduz[redaktiruida | redaktiruida purde]

Jogiport, laivišton kohenduzbaz da mectegimišton edheotand oma olmas žilos.

Transport[redaktiruida | redaktiruida purde]

Kundal'ne transport om avtobusoiden lidnankeskeižed reisad Piterihesai da Kos'kenaluižhe.

Lähembaine sur' raudtestancii passažiroiden täht om Kos'kenaluižes, se sijadase 102 kilometras päivlaskmpolehe avtotedme.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]