Kamizäk

Kamizäk
Камызяк
Lidnanznam;	Flag;
Valdkund	Venäma
Eläjiden lugu (2021)	16,154 ristitud
Pind	24,08 km²
Pämez'	Jelena Kostrikina; (keväz'ku 2020—,; Елена Кострыкина)
Telefonkod	+7−85 145-xx-xxx
Avtokod	30
Aigvö	UTC+4 (MSK+1)

Kamizäk (ven.: Камызя́к, kaz.: Құмөзек / Qumózek «rogoheinän žomad») om Venäman lidn da lidnankund Astrahanin agjan suves. Se om Kamizäkan rajonan administrativine keskuz (vspäi 1925) da pala.

Istorii

Eländpunkt mainitase ezmäižen kerdan vl 1560 kuti kalatezport, ristitišt püdi kalad. Ühtištadihe žilod lähižidenke penidenke žiloidenke da anttihe lidnan statusad vn 1973 2. päiväl uhokud.

Kamizäk šingotase sömtegimišton edheotandoil (ristegim, konservtegim, lindferm), mugažo Kaspijanrandaližen aridižen manradandan tedoinstitutan filial (edel 2018. vot erine Venäman kastlijan maploduidenkazvatusen da arbuzlinmavodindan tedoinstitut) radab lidnas.

Geografijan andmused

Lidn sijadase rajonan pohjoižröunanno, Volgan suhišton Kamizäk-hijaman randal, −24 m keskmäižel korktusel, alemba mail'man valdmeren tazopindad.

Matkad lähembaižhe Astrahan'-lidnhasai om koumekümne viž kilometrad pohjoižhe avtotedme.

Tobmuz

Kamizäk om lidnankundan üks'jäižeks eländpunktaks.

Lidnankundan tobmuden pämez' om sen Nevondkundan ezimez'. Edeline Nevondkundan ezimez' om Dmitrii Vasil'jev (tal'vku 2013 — keväz'ku 2020).

Eläjad

Vn 2010 Venäman rahvahanlugemižen mödhe lidnan eläjiden lugu oli 16,314 ristitud, rajonan koumandez, vn 2021 — 16,154 ristitud. Vl 2017 lidnan eläjiden lugu oli 16,077 ristitud. Kaikiš suremb lidnan ristitišt oli enamba 16 tuhad eläjid vll 2000−2017 i vl 2021 (16,314 rist. vl 2010).

Rahvahad: kazahlaižed — 55,6 %, venälaižed — 40,2 %, totarlaižed — 3,9 %, toižed rahvahad — 0,3 %.

Ortodoksižen hristanuskondan Jumalanmaman Smolenskan jumalaižen jumalanpert'^[1] om saudud lidnas, udessündutadihe vodele 2008. Islaman kodimečet' (nomer 45) om avaitud, mečetin erigoittud sauvusen zavodind planiruiše vn 2026 kezakuspäi.

Openduz

Lapsiden opendusen aluzkundad oma päivkodi nomer 1 (seičeme adresad), keskškol nomer 4, licei nomer 1 A. P. Gužvinan nimed, ližaopendusen keskuz keskškolanno nomer 4, rajonan čomamahtoiden škol, lapsiden da norišton sportškol.

Kamizäkan maižanduzkolledž^[2] om lidnan professionaližen opendusen aluzkundaks.