Mine sisu juurde

Narimanov (lidn)

Vikipedii-späi
Narimanov
Нариманов
Valdkund Venäma
Eläjiden lugu (2021) 10,601 ristitud
Pind 27,62 km²
Narimanov Нариманов
Pämez' Vladimir Nazarov
(reduku 2019—)
Telefonkod +7−85 171-xx-xxx
Avtokod 30
Aigvö UTC+4 (MSK+1)


Narimanov (ven.: Нарима́нов) om Venäman lidn da lidnankund Astrahanin agjan suvipalas. Se om Narimanovan rajonan administrativine keskuz.

Istorii[vajehta | vajehtada tekst]

Eländpunktan aluz om pandud vn 1963 21. päiväl sulakud kuti Vododelitel'-žilo otmaha kävutamižhe Volgan suhišton oiktad randpol't. Vn 1973 sügüz'kul vezijagajan padoseinän sauvond tuli lophu i laivoiden likund zavodihe sen kal't. Saudihe šlüzad vodele 1975. Udesnimitihe Nižnevolžskii-žilod nügüdläižikš Venäman kirjutajan da Azerbaidžanan NST:n Nariman Narimanov-pämehen (1870−1925) oiktastuseks da anttihe lidnan statusad vn 1984 19. päiväl redukud.

Narimanov šingotase laivansauvomižen «Lotos»-tegimel, geotekstilin «Geksa-Lotos» kompanijal, kalankazvatusen da melioracijan edheotandoil.

Geografijan andmused[vajehta | vajehtada tekst]

Lidn sijadase Volg-jogen korktal oiktal randal, valdmeren tazopindan (0 m) keskmäižel korktusel. Matkad Astrahanihesai om 45 km suvhe «Kaspii»-avtotedme (M6), ümbärdab lidnad päivlaskmaspäi. Kivivoinvalamižport om saudud lidnas.

Narimanov om lidnankundan üks'jäine eländpunkt.

Eläjad[vajehta | vajehtada tekst]

Vn 2010 Venäman rahvahanlugemižen mödhe eläjiden lugu om 11 521 ristitud, rajonan nelländez. Kaikiš suremb ristitišt oli 12 300 eläjad vl 1998. Vl 2017 kaik 11 118 ristitud elihe lidnas.

Ortodoksižen hristanuskondan Pühän Jumalanmaman Blagoveščenjan jumalanpert'[1] om saudud vozil 2001−2012.

Astrahanin proftehnologijoiden valdkundaližen kolledžan filial om lidnan professionaližen opendusen aluzkundaks.

Edeline lidnankundan pämez' (sen Nevondkundan ezimez') om Aleksandr Nikitin (reduku 2016 — sügüz'ku 2019).

Galerei[vajehta | vajehtada tekst]

Homaičendad[vajehta | vajehtada tekst]

  1. Narimanovan pühäpertid sobory.ru-saital. (ven.)

Irdkosketused[vajehta | vajehtada tekst]



Astrahanin agjan lidnad
Ahtubinsk | Astrahan' | Harabali | Kamizäk | Narimanov | Znamensk