Kinel'
Lidnanznam
|
Flag
|
| Valdkund | Venäma |
| Eläjiden lugu (2021) | 36,729 ristitud |
| Pind | 36,75 km² |
| |
| Pämez' | Aleksandr Prokudin (tal'vku 2021—) |
| Telefonkod | +7−84 663-xx-xxx |
| Avtokod | 63, 163 |
| Aigvö | UTC+4 (MSK+1) |
Kinel' (ven.: Кине́ль) om Venäman lidn da raudtesol'm Samaran agjan keskuzpalas. Se om Samaran päivnouzmaine ezilidn, Kinelin lidnümbrikon administrativine keskuz, om Kinelin rajonan administrativižeks keskuseks mugažo vspäi 1928, ei mülü sihe.
Istorii[vajehta | vajehtada tekst]
Eländpunktan aluz om pandud vl 1837 kuti žilo, nimitihe jogen mödhe. Kinel' -raudtestancii radab vspäi 1877, ezmäine nimituz oli Čarikovskai (ven.: Чарыковская), no udesnimitihe Kinelikš bajarin-manpidajan surman jäl'ghe hänen poigan pakičendan mödhe. Vspäi 1885 raudte sarakoičese, sarakod lähttas Ufha i Orenburgha. Radnikžilo sai lidnan statusad vl 1944.
Kinel' šingotase raudten edheotandoil (sortiruindstancii, vedimdepo, vagondepo, raudten distancii, varapaloiden tehmine raudtetehnikan täht), avtoplastmassan[1], räzintegesiden da plastikpakuitesen edheotandoil, sömtegimištol (lihatavarad, konditerižed tegesed), tegimištoližiden mülüiden tegimel[2] agrohimijan täht i lämoipaloid vaste, mugažo mebel'fabrik i omblendfabrik ratas lidnas.
Geografijan andmused[vajehta | vajehtada tekst]
Lidn sijadase Samar-jogen (ven.: Самара 594 km pitte) oiktal randpolel i Sur' Kinel'-jogen hural randpolel (ven.: Большой Кинель 422 km pitte) läz sen lanktendad Samar-jogehe oiktalpäi, 35 m ü.m.t. keskmäižel korktusel.
Matkad lähembaižen Samar-lidnan röunhasai om 15 km päivlaskmha orhal, 18 km avtotedme vai raudtedme, keskushesai — 28 km orhal vai 33 km avtotel. Ühtennimine Kinel' -raudtestancii om saudud lidnan pohjoižpalas.
Tobmuz[vajehta | vajehtada tekst]
Kaik kaks' järedad lidnanvuittušt žilod mülüdas lidnümbrikho Kinelin ližaks: Aleksejevk (ven.: Алексеевка, 10 877 rist. vl 2021) i Ust'-Kinel'skii (10 547 eläjad vl 2021). Ned sijadasoiš päivkaskmha-lodeheze lidnaspäi Sur' Kinel'-jogen taga, Samaran i Kinelin keskes. Lidnümbrikon pind om 108,78 km².
Edeline lidnümbrikon pämez' om Vladimir Čihirev (2005−2008, reduku 2015 — reduku 2021).
Eläjad[vajehta | vajehtada tekst]
Vn 2010 Venäman rahvahanlugemižen mödhe lidnan eläjiden lugu oli 34 491 ristitud, lidnümbrikon koume videndest. Kaikiš suremb lidnan ristitišt oli 42 051 eläjad vl 1979, nügüdläižiš röunoiš — 35 753 ristitud vl 2020.
Rahvahad (2010): venälaižed — 91,8 %, armenijalaižed — 1,7 %, totarlaižed — 1,6 %, ukrainalaižed — 1,0 %, toižed rahvahad — 3,9 %.
Ortodoksižen hristanuskondan koume pühäpertid[3] oma saudud lidnas: ph. Jurgii-vägestusenkandajan kafedraline päjumalanpert' (om saudud vll 2005−2009) i Kazanin Jumalanmaman jumalaižen kaks' jumalanpertid.
Kinelin valdkundaline tehnikum[4] om lidnan professionaližen opendusen aluzkundaks.
Galerei[vajehta | vajehtada tekst]
-
Vezičuhunduz (2020) -
Kazanin Jumalanmaman jumalaižen jumalanpert' pohjoižes lidnanlaptas, vn 2013 nägu -
Kinel' -päraudtestancijan sauvuz vl 2022
.jpg)
Homaičendad[vajehta | vajehtada tekst]
- ↑ «Kinel'agroplast»-edheotandan sait (kiap.ru). (ven.)
- ↑ Mülüiden tegimen sait (region-l.ru). (ven.)
- ↑ Kinelin pühäpertid sobory.ru-saital. (ven.)
- ↑ Kinelin valdkundaližen tehnikuman sait (kgt163.ru). (ven.)
Irdkosketused[vajehta | vajehtada tekst]
 |
Kinel' Vikiaitas |
| Samaran agjan lidnad | ||
| Čapajevsk | Kinel' | Neftegorsk | Novokuibiševsk | Oktäbr'sk | Otradnii | Pohvistnevo | Samar | Sizran' | Žigulövsk | Tol'jatti | ||