Neftegorsk (Samaran agj)

Neftegorsk
Нефтегорск
	Lidnanznam;
Valdkund	Venäma
Eläjiden lugu (2022)	17,663 ristitud
Pind	48,46 km²
Pämez'	Aleksei Lapuhov; (reduku 2020—)
Telefonkod	+7−84 670-xx-xxx
Avtokod	63, 163
Aigvö	UTC+4 (MSK+1)

Sil sanal voib olda toižid znamoičendoid; miše nähta niid, tulgat tänna.

Neftegorsk (ven.: Нефтего́рск) om Venäman lidn da lidnankund Samaran agjan päivnouzmas. Se om Neftegorskan rajonan administrativine keskuz.

Istorii[vajehta | vajehtada lähte]

Eländpunktan aluz om pandud vl 1960 samha löutud sil-žo vodel kivivoid. Lidnanvuitte Neftegorsk-žilo kändihe rajonan keskuseks vl 1965. Radnikžilo sai lidnan statusad vl 1989.

Neftegorsk šingotase kivivoin samižel, gazan ümbriradmižen tegimel, vas'ken vanundan da kabeliden tegimel, leibän edheotandal.

Geografijan andmused[vajehta | vajehtada lähte]

Lidn sijadase Sjezžai-jogen alajoksmusen hural randal (ven.: Съезжая 107 km pitte, Samar-jogen hura ližajogi), 90 m ü.m.t. keskmäižel korktusel. Matkad Samarhasai om 83 km lodeheze orhal vai 101 km avtotedme. Toižed lähembaižed lidnad om Kinel' 58 km lodeheze orhal vai 77 km avtotel, Otradnii 65 km pohjoižhe orhal vai 82 km avtotedme, i Buzuluk (Orenburgan agj) 73 km päivnouzmha orhal vai 84 km avtotedme.

Neftegorsk om lidnankundan üks'jäine eländpunkt. Lidnankundan Administracii om likvidiruidud vn 2021 keväz'kus, rajonan administracii tegeb sen velgusidme. Lidnan administracijan jäl'gmäine pämez' oli Aleksandr Grebenkin vn 2019 keväz'kuspäi.

Eläjad[vajehta | vajehtada lähte]

Vn 2010 Venäman rahvahanlugemižen mödhe lidnan eläjiden lugu oli 19 254 ristitud, rajonan viž ühesandest. Kaikiš suremb lidnan ristitišt oli 21 400 eläjad vll 1998−2001.

Rahvahad (2010): venälaižed — 91,5%, mordvinalaižed — 2,1%, totarlaižed — 1,8%, čuvašalaižed — 1,4%, toižed rahvahad — 3,2%.

Ortodoksižen hristanuskondan kaks' pühäpertid^[1] oma avaitud lidnas: pühän Varvara-moknikan jumalanpert' (vspäi 2004) i Jumalanmaman «Kaikiden gorähižiden ihastuz»-jumalaižen jumalanpert' (vspäi 2011).

Neftegorskan valdkundaline tehnikum^[2] om lidnan professionaližen opendusen aluzkundaks.

Galerei[vajehta | vajehtada lähte]

Neftegorskan rajonan administracijan sauvuz (2013)
Ph. Varvara-moknikan jumalanpert', vn 2008 nägu
Hoštusen monument vl 2013
«Neftänik»-kul'turkeskuz (2013)

Homaičendad[vajehta | vajehtada lähte]

Irdkosketused[vajehta | vajehtada lähte]

Lidnan oficialine sait (gpneftegorsk.ru). (ven.)

Neftegorsk (Samaran agj) Vikiaitas

	Samaran agjan lidnad
	Čapajevsk \| Kinel' \| Neftegorsk \| Novokuibiševsk \| Oktäbr'sk \| Otradnii \| Pohvistnevo \| Samar \| Sizran' \| Žigulövsk \| Tol'jatti

[1] Neftegorskan pühäpertid sobory.ru-saital. (ven.)

[2] Neftegorskan valdkundaližen tehnikuman sait (neftgt.minobr63.ru). (ven.)

[1]

[2]