Buzuluk

Vikipedii
Mine navigeerimisribale Mine otsikasti
Buzuluk
Бузулук
 Lidnanznam
Buzuluk COA (1998).gif
 Flag
Flag of Buzuluk (Orenburg oblast).png
Valdkund Venäma
Eläjiden lugu (2021) 86,042 ristitud
Pind 54,42 km²
Buzuluk Бузулук
Pämez' Vladimir Peskov
(kezaku 2021—)
Telefonkod +7−35 342-xx-xxx
Avtokod 56
Aigvö UTC+5 (MSK+2)


Buzuluk (ven.: Бузулу́к) om Venäman lidn da lidnümbrik Orenburgan agjan päivlaskmas. Se om Buzulukan rajonan administrativižeks keskuseks mugažo, ei mülü sihe.

Istorii[redaktiruida | redaktiruida purde]

Eländpunktan aluz om pandud vl 1736 kuti Venäman imperijan lidnuz baškiralaižiden amuižen lidnan jändusiden sijha. Se sai makundan lidnan statusad vl 1781. 1960-nziš vozišpäi Buzuluk šingotase agjan kivivoin samižen keskuseks.

Geografijan andmused[redaktiruida | redaktiruida purde]

Lidn sijadase Samar-jogen hural randal da sen Buzuluk- i Domašk-ližajogiden randoil (Volgan hurapol'ne bassein), 70 m ü.m.t. keskmäižel korktusel. Matkad Orenburghasai om 220 km suvipäivnouzmha orhal vai 250 km avtotedme. «Samar — Orenburg»-raudte läbitab lidnad vspäi 1877, avtoümbärte om lidnanno «Samar — Orenburg»- i «Ural'sk (Kazahstan) — Bugul'm»-trassoil. Lähembaižed lidnad oma Soročinsk 90 km suvipäivnouzmha i Neftegorsk 85 km päivlaskmha.

Buzuluk om lidnümbrikon üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 82 904 ristitud. Kaikiš suremb ristitišt oli 89 263 eläjad vl 2009. Rahvahad (enamba 1% vl 2010, ozutadud rahvahudenke): venälaižed — 92,5%, totarlaižed — 1,9%, ukrainalaižed — 1,2%, mordvinalaižed — 1,1%, toižed rahvahad — 3,3%.

Ortodoksižen hristanuskondan koume jumalankodid oli olmas lidnas edel nevondkundaližen tobmuden vahvištust: Klüčegorskii Jumalanmaman Kazanin jumalaižen, Sündun Toižetamižen, Jumalanmaman Tihvinan jumalaižen.

Professionaližen opendusen aluzkundad: kuz' kolledžad (tegimišton i transportan, finansine, sauvondan[1], pedagogine, medicinine, muzikaline), mecan i gidromelioracijan tehnikumad, mugažo Buzulukan gumanitariž-tehnologine institut[2] — Orenburgan valdkundaližen universitetan filial.

Edeližed lidnümbrikon pämehed oma:

  • Valerii Rogožkin (2000−2010, tal'vku 2013 — tal'vku 2018);
  • Sergei Salmin (viluku 2019 — tal'vku 2020).

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Buzulukan sauvondkolledžan sait (bsk-bz.ru). (ven.)
  2. Buzulukan gumanitariž-tehnologižen institutan sait (bgti.ru). (ven.)

Irdkosketused[redaktiruida | redaktiruida purde]



Orenburgan agjan lidnad
Abdulino | Buguruslan | Buzuluk | Gai | Jasnii | Kuvandik | Mednogorsk | Novotroick | Orenburg | Orsk | Sol'-Ileck | Soročinsk