Buguruslan
Lidnanznam
| |
| Valdkund | Venäma |
| Eläjiden lugu (2020) | 48,546 ristitud |
| Pind | 76,46 km² |
| |
| Pämez' | Dmitrii Djačenko (viluku 2020—) |
| Telefonkod | +7−35 352-xx-xxx |
| Avtokod | 56 |
| Aigvö | UTC+5 (MSK+2) |
Buguruslan (ven.: Бугурусла́н, tot.: Богырыслан) om Venäman lidn da lidnümbrik Orenburgan agjan lodehes. Se om Buguruslanan rajonan administrativižeks keskuseks, ei mülü rajonha.
Istorii[vajehta | vajehtada tekst]
Eländpunktan aluz om pandud vl 1748. Se sai makundan lidnan statusad vl 1781. Ühtennimine Buguruslan-raudtestancii radab «Samar — Uf»-jonol vspäi 1888.
Buguruslan šingotase kivivoin da gazan samižen i ümbriradmižen edheotandoil vspäi 1936, kivivoimašiništon pästandan tegimel, meblin kahtel privatižel fabrikal, mugažo sömtegimišton edheotandad ratas (lihakombinat, jauhkombinat, maidtegim, limonadan i mineraližen veden edheotand).
Geografijan andmused[vajehta | vajehtada tekst]
Lidn sijadase Sur' Kinel'-jogen (ven.: Большой Кинель, tot.: Олы Кенәле, Volgan hurapol'ne bassein) da sen huran Konduzl-ližajogen (ven.: Кондузла) kaikil randoil, Bugul'man da Belebein ülüden suvipautkil, 80 m ü.m.t. keskmäižel korktusel.
Matkad Orenburghasai om 270 km suvipäivnouzmha orhal vai 355 km avtotedme. Lähembaine lidn om Pohvistnevo (Samaran agj) 22 km päivlaskmha kaikil teil, järedad lidnad — Samar 165 km päivlaskmha avtotedme i Oktäbr'skii 135 km pohjoižpäivnouzmha avtol.
Tobmuz[vajehta | vajehtada tekst]
Kaik nell' pen't žilod da kaks' raudtesarakod mülüdas lidnümbrikho Buguruslanan ližaks. Lidnümbrikon pind — 76,46 km².
Edeline lidnümbrikon pämez' (Administracijan pämez') om Vladimir Ber (Владимир Бэр, keväz'ku 2013 — viluku 2020). Lidnümbrikon Deputatoiden Nevondkundan ezimez' om Väčeslav Kvašnev vn 2013 kül'mkuspäi.
Eläjad[vajehta | vajehtada tekst]
Vn 2010 Venäman rahvahanlugemižen mödhe lidnan eläjiden lugu oli 49 741 ristitud, lidnümbrikon — 50 226 ristitud. Kaik 49 585 eläjad oli lidnas i 50 004 eläjad kaikes lidnümbrikos vl 2017. Lidnan ristitišt vajehtihe 49..55 tuhad röunoiš vll 1970−2018, kaikiš suremb oli 55 400 rist. vl 2000.
Rahvahad (enamba 1 % vl 2010, ozutadud rahvahudenke): venälaižed — 67,1 %, totarlaižed — 10,3 %, mordvinalaižed — 10,0 %, ukrainalaižed — 1,6 %, saksalaižed — 1,3 %, toižed rahvahad — 9,7 %.
Professionaližen opendusen aluzkundad: Buguruslanan kivivoin kolledž[1], pedagogine kolledž[2], civiližen aviacijan lendimškol[3] (kolledž, Piterin civiližen aviacijan universitetan filial), maižanduztehnikum[4], Orenburgan agjan medkolledžan filial, mugažo Samaran tehnižen universitetan filial.
Galerei[vajehta | vajehtada tekst]
-
Lidnan alusenpanendan znam vl 2018 -
Kivine časoun' (ortodoksine hristanuskond), vn 2018 nägu -
Lidnan islaman pühäpert', nägu vn 2006 sügüz'kus -
Nevondkundaline lidnanznam (vspäi 1982) -
Buguruslanan dramteatr N. Gogolän nimed (2015) -
Buguruslan-päraudtestancijan sauvuz vl 2009
_(1982).png)
Homaičendad[vajehta | vajehtada tekst]
- ↑ Buguruslanan kivivoin kolledžan sait (boilk.ru). (ven.)
- ↑ Buguruslanan pedkolledžan sait (bpk.ucoz.ru). (ven.)
- ↑ Buguruslanan civiližen aviacijan lendimškolan sait (bluga.ru). (ven.)
- ↑ Buguruslanan maižanduztehnikuman sait (bsht56.ru). (ven.)
Irdkosketused[vajehta | vajehtada tekst]
- Municipaližen «Buguruslan-lidn»-ühtnikan tobmuden aluzkundoiden oficialine sait (bugadmin.orb.ru). (ven.)
 |
Buguruslan Vikiaitas |
| Orenburgan agjan lidnad | ||
| Abdulino | Buguruslan | Buzuluk | Gai | Jasnii | Kuvandik | Mednogorsk | Novotroick | Orenburg | Orsk | Sol'-Ileck | Soročinsk | ||