Abdulino

Vikipedii
Jump to navigation Jump to search
Abdulino
Абдулино
Flag
Flag of Abdulino (Orenburg oblast).png
Valdkund Venäma
Eläjiden lugu (2017) 19 222 ristitud
Pind 47 km²
AbdulinoАбдулино
Pämez' Vladimir Naseikin
(viluku 2 016—)
Telefonkod +7-35 355-xx-xxx
Avtokod 56
Aigvö UTC+5 (MSK+2)


Abdulino (ven.: Абдулино) om Venäman lidn Orenburgan agjan lodehes. Se om Abdulinon lidnümbrikon (1785 km²) administrativine keskuz da sen ristitišton 70%. Edel 2016 vot nimitihe lidnümbrikod Abdulinon rajonaks. Se mülütab 49 žilod da küläd.

Enzne[redaktiruida | redaktiruida purde]

Eläbzoittud Abdulovankülä (ven.: деревня Абдулова) mainitase ezmäižen kerdan vodel 1795. Vodespäi 1811 nimitase nügüdläižikš. Vodel 1888 raudte tuli lidnha, ühtennimine raudtestancii om «SamarUf»-jonol. Vodel 1895 «Перов и Зуев»-kompanii sauvoi tegint ümbriradamha grečad surimeks. Vodelpäi 1923 Abdulino om lidnan statusanke.

Nügüd'aigan lidn om maižanduzrajonan keskuz. Leibänkombinat da maidkombinat oma olmas, om raudten holitišen edheotandoid, sauvondmaterialiden tehmine. Kivivoin da londuseližen gazan löudmižsijad oma ottud kävutamižhe läz lidnad.

Geografijan andmused[redaktiruida | redaktiruida purde]

Lidn sijadase Tiris-jogen randoil (ven.: Тирис, Ik-jogen bassein), Uralan ezimägištol, 190 m keskmäižel korktusel valdmeren pindan päl. Matkad Orenburghasai om 280 km suvipäivnouzmha «Kazan' — Orenburg»-avtotedme (R239), röunhasai Baškortostananke — 4 km pohjoižpäivnouzmha lidnaspäi. Avtote om lidnan päivnouzmaižeks röunaks.

Eläjad[redaktiruida | redaktiruida purde]

Voden 2010 Venäman rahvahanlugemižen mödhe eläjiden lugu oli 20 173 ristitud. Kaikiš suremb ristitišt oli vl 1959 — 29 976 eläjad. Ortodoksižen hristanuskondan kaks' pühäpertid om lidnas.

Irdkosketused[redaktiruida | redaktiruida purde]



Orenburgan agjan lidnad
Abdulino | Buguruslan | Buzuluk | Gai | Jasnii | Kuvandik | Mednogorsk | Novotroick | Orenburg | Orsk | Sol'-Ileck | Soročinsk