Soročinsk

Soročinsk
Сорочинск
Lidnanznam;	Flag;
Valdkund	Venäma
Eläjiden lugu (2021)	28,478 ristitud
Pind	55,93 km²
Pämez'	Tatjana Melentjeva; (tal'vku 2010—)
Telefonkod	+7−35 346-xx-xxx
Avtokod	56
Aigvö	UTC+5 (MSK+2)

Soročinsk (ven.: Соро́чинск) om Venäman lidn Orenburgan agjan päivlaskmas. Se om Soročinskan municipaližen ümbrikon (edel 2025. vot — lidnümbrikon) administrativižeks keskuseks da palaks, vl 2016 mülüti Soročinskan rajonad.

Istorii

Eländpunktan aluz om pandud vl 1737 kuti Soročinkan lidnuz, nimitihe lähižen Soročink-jogen mödhe. 19. voz'sadaspäi oli Soročinskoje-žiloks. Saudihe Soročinskai-raudtestancijad «Samar — Orenburg»-jonol, läbiti lidnad vl 1877.

Žilo sai lidnan statusad vn 1945 16. päiväl semendkud. Soročinsk šingotase kivivoin samižen edheotandoil (650 mareigud ümbrikos) i sijaližen maižanduzprodukcijan ümbriradmižel (leibänkombinat, lihakombinat).

Geografijan andmused

Soročinskan ümbrikon sijaduz agjas vn 2022 kartal

Lidn sijadase municipaližen ümbrikon keskuzpalan päivlaskmas, Samaranjogen hural randal, 100 m ü.m.t. keskmäižel korktusel. Soročinskan vezivaradim (35,56 km²) om ülezjogen reguliruimha Samaran vedhut.

Matkad Orenburghasai om 170 km suvipäivnouzmha. Lähembaine lidn om Buzuluk 73 km lodeheze orhal vai ühesakümnes kilometras kaikil teil.

Kaik 40 žilod mülüdas municipaližhe ümbrikho Soročinskan ližaks. Ümbrikon pind — 2763,18 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 29 249 ristitud, vn 2021 — 28 478 ristutud. Vl 2017 kaik 27 912 ristitud elihe lidnas (ümbrikon kaks' koumandest) i 40 853 ristitud kaikes lidnümbrikos. Kaikiš suremb lidnan ristitišt oli 29..30 tuhad vozil 1996−2011 (30 700 rist. vl 2001).

Ortodoksižen hristanuskondan viž pühäpertid^[1] oma saudud lidnas: nell' jumalanpertid i časoun'. Islaman pühäpert' om avaitud.

Openduz

Lapsiden opendusen aluzkundad oma kahesa nimitadud päivkodid (nomer 1, 5, 7..12), kuz' keskškolad (nomer 1, 3..5, 7, 117), specialine (korrekcine) škol-internat, lapsiden sädamižen keskuz, lapsiden tehnižen sädamižen keskuz (kaks' adresad), ümbrikon čomamahtoiden Lira-škol Gleb Sovan nimed, ümbrikon sportškol, olimpižen varan sportškol laudtennisas A. S. Nikolaevan nimed.

Soročinskan veterinarine tehnikum^[2] (Orenburgan valdkundaližen agrarižen universitetan filial) om lidnan professionaližen opendusen aluzkundaks.

Galerei

Lidnan administracijan sauvuz (2012)
Ph. Mikoi-arhangelan jumalanpert', vn 2012 nägu
Soročinskan vezivaradim vl 2012
Laudtennisan sportškol (vn 2007 olend)
Soročinskai-päraudtestancijan sauvuz vl 2012

Homaičendad

Irdkosketused

Municipaližen ümbrikon tobmuden sait (sorochinsk56.ru). (ven.)

Soročinsk Vikiaitas

	Orenburgan agjan lidnad
	Abdulino \| Buguruslan \| Buzuluk \| Gai \| Jasnii \| Kuvandik \| Mednogorsk \| Novotroick \| Orenburg \| Orsk \| Sol'-Ileck \| Soročinsk

[1] Soročinskan pühäpertid sobory.ru-saital. (ven.)

[2] Soročinskan veterinarižen tehnikuman sait (svt.orensau.ru) i sen lehtpol' orensau.ru-saital. (ven.)

[1]

[2]