Kuvandik

Kuvandik
Кувандык
	Lidnanznam;
Valdkund	Venäma
Eläjiden lugu (2021)	26,596 ristitud
Pind	42,06 km²
Pämez'	Vladimir Gončarov; (sügüz'ku 2007—)
Telefonkod	+7−35 361-xx-xxx
Avtokod	56
Aigvö	UTC+5 (MSK+2)

Kuvandik (ven.: Куванды́к, bašk.: Ҡыуандыҡ «ihastuiba»^[1], tot.: Куандык) om Venäman lidn Orenburgan agjan päivnouzmaižes palas. Se om Kuvandikan lidnümbrikon administrativižeks keskuseks da palaks.

Istorii

Pokrovk-külä (ven.: Покровка) oli olmas Kuvandičk-jogen randal (ven.: Кувандычка) nügüdläižen lidnan territorijal 20. voz'sadan augotišes. Eländpunktan aluz om pandud vl 1914, konz saudihe Kuvandik-raudtestancijad. Sen mödhe nimitihe stancijan žilod, sid' zavodihe nimitada muga Pokrovk-küläd-ki. Radnikžilo sai lidnan statusad vn 1953 24. päiväl elokud.

Kuvandik šingotase mašiništonsauvomižen tegimišton täht (pressad čapmaha metallad) i sömtegimišton edheotandoil, mugažo magniiühtnendoiden tegim (edel 2012. vot kriolitan pästandan tegim aviaalüminijan täht) i mägisuksiden kompleks ratas Kuvandikas.

Geografijan andmused

Lidn sijadase Sakmar-jogen keskjoksmusen randal (ven.: Сакма́ра 798 km pitte, Uralan oiged ližajogi), 210 m ü.m.t. keskmäižel korktusel.

Matkad Orenburghasai om 194 km päivlaskmha, Orskhasai — 90 km päivnouzmha. Lähembaine lidn om Mednogorsk 20 km päivnouzmha avtotedme.

Tobmuz

Edel vn 2016 vilukud Kuvandik oli lidnankundaks. Kaik 79 eländpunktad mülüdas lidnümbrikho Kuvandikan ližaks.

Eläjad

Vn 2010 Venäman rahvahanlugemižen mödhe lidnan eläjiden lugu oli 26 169 ristitud, vn 2021 — 26 596 ristitud. Kaik 24 131 eläjad oli lidnas vl 2017. Kaikiš suremb lidnan ristitišt oli 29..30 tuhad vozil 1992−2001 (30 700 rist. vl 2000).

Rahvahad (enamba 1 % vl 2010, rahvahuden ozutandata): venälaižed — 75,5 %, baškiralaižed — 10,5 %, totarlaižed — 7,9 %, ukrainalaižed — 2,1 %, toižed rahvahad — 4,0 %.

Ortodoksižen hristanuskondan Jumalanmaman Katken jumalanpert'^[2] om pühästadud vl 1994. Islaman kaks' pühäpertid oma avaitud lidnas.

Lapsiden opendusen aluzkundad oma severz'-se päivkodid, aluzškol, nell' keskškolad, pioneroiden da školnikoiden pert', čomamahtoiden škol. Mednogorskan industrialižen kolledžan filial (proflicei edel 2013. vot) om lidnan professionaližen opendusen aluzkundaks.

Galerei

Lidnan keskuzpalas (2012)
Jumalanmaman Katken jumalanpert', vn 2021 nägu
Lidnan poliklinik (2021)
Läz Kuvandik-päraudtestancijad vl 2010

Homaičendad

↑ Абсалямова Ю. А. Башкиры Восточного Оренбуржья (Orenburgan agjan päivnouzman baškiralaižed) / ИИЯЛ УНЦ РАН. — Uf, 2016. — 184 lp. (ven.)
↑ Kuvandikan pühäpertid sobory.ru-saital. (ven.)

Irdkosketused

Kuvandik Vikiaitas

	Orenburgan agjan lidnad
	Abdulino \| Buguruslan \| Buzuluk \| Gai \| Jasnii \| Kuvandik \| Mednogorsk \| Novotroick \| Orenburg \| Orsk \| Sol'-Ileck \| Soročinsk

[1] Абсалямова Ю. А. Башкиры Восточного Оренбуржья (Orenburgan agjan päivnouzman baškiralaižed) / ИИЯЛ УНЦ РАН. — Uf, 2016. — 184 lp. (ven.)

[2] Kuvandikan pühäpertid sobory.ru-saital. (ven.)

[1]

[2]