Buzuluk

Buzuluk
Бузулук
Lidnanznam;	Flag;
Valdkund	Venäma
Eläjiden lugu (2025)	88,202 ristitud
Pind	54,42 km²
Pämez'	Vladimir Peskov; (kezaku 2021—)
Telefonkod	+7−35 342-xx-xxx
Avtokod	56
Aigvö	UTC+5 (MSK+2)

Buzuluk (ven.: Бузулу́к) om Venäman lidn da lidnümbrik Orenburgan agjan päivlaskmas. Se om Buzulukan rajonan administrativižeks keskuseks mugažo, ei mülü sihe.

Istorii

Eländpunktan aluz om pandud vl 1736 kuti Venäman imperijan lidnuz baškiralaižiden amuižen lidnan jändusiden sijha. Se sai makundan lidnan statusad vl 1781.

1960-nziš vozišpäi Buzuluk šingotase agjan kivivoin samižen keskuseks. Toižed tegimed oma mehanine (erazvuiččed radiatorad) i pühävoin, pästtas sauvondmaterialid (savič, raudbetontegesed). Ende jüžmakon mašinansauvomižen tegim (pästli burauduztömašinoid) i likörvodktegim radoiba.

Geografijan andmused

Lidnan sijaduz ümbärdajas rajonas i agjas vn 2022 kartal

Lidn sijadase ümbärdajan rajonan suves, Samar-jogen hural randal da sen Buzuluk- i Domašk-ližajogiden randoil (Volgan hurapol'ne bassein), 70 m ü.m.t. keskmäižel korktusel.

Matkad Orenburghasai om 220 km suvipäivnouzmha orhal vai 250 km avtotedme. «Samar — Orenburg»-raudte läbitab lidnad vspäi 1877, avtoümbärte om lidnanno «Samar — Orenburg»- i «Ural'sk (Kazahstan) — Bugul'm»-trassoil. Lähembaižed lidnad oma Soročinsk ühesakümne kilometrad suvipäivnouzmha i Neftegorsk 85 km päivlaskmha.

Tobmuz

Buzuluk om lidnümbrikon üks'jäižeks eländpunktaks.

Edeližed lidnümbrikon pämehed oma:

Valerii Rogožkin (2000−2010, tal'vku 2013 — tal'vku 2018);
Sergei Salmin (viluku 2019 — tal'vku 2020).

Eläjad

Vn 2010 Venäman rahvahanlugemižen mödhe lidnan eläjiden lugu oli 82 904 ristitud, vn 2021 — 88 341 ristitud. Kaik 86 316 eläjad oli lidnas vl 2017. Kaikiš suremb lidnan ristitišt oli 89 263 eläjad vl 2009.

Rahvahad (enamba 1 % vl 2010, ozutadud rahvahudenke): venälaižed — 92,5 %, totarlaižed — 1,9 %, ukrainalaižed — 1,2 %, mordvinalaižed — 1,1 %, toižed rahvahad — 3,3 %.

Ortodoksižen hristanuskondan koume jumalankodid oli olmas lidnas edel nevondkundaližen tobmuden vahvištust: Klüčegorskii Jumalanmaman Kazanin jumalaižen, Sündun Toižetamižen, Jumalanmaman Tihvinan jumalaižen.

Openduz

Lapsiden opendusen aluzkundad oma päivkodid, keskškolad.

Professionaližen opendusen aluzkundad: kuz' kolledžad (tegimišton i transportan, finansine, sauvondan^[1], pedagogine^[2], Orenburgan agjan medkolledžan filial, muzikaline^[3]), mecan^[4] i gidromelioracijan tehnikumad, mugažo Buzulukan gumanitariž-tehnologine institut^[5] — Orenburgan valdkundaližen universitetan filial.

Galerei

Skver i vezičuhunduz Leninan irdal (2013)
Pühäpert' karoil muretud Sündun Toižetamižen jumalankodin sijas, vn 2015 nägu
«Orenburgneft'»-kivivoiühtelmasen päfater vl 2007 («Rosneft'»-kompanijan pala)
Sever-torguimižbobuštuzkeskuz (2019, «Pohjoine»)
Puruvedim-muštnik vl 2014

Homaičendad

Irdkosketused

Lidnan tobmuden aluzkundoiden oficialine sait (buzuluk.orb.ru). (ven.)

Buzuluk Vikiaitas

	Orenburgan agjan lidnad
	Abdulino \| Buguruslan \| Buzuluk \| Gai \| Jasnii \| Kuvandik \| Mednogorsk \| Novotroick \| Orenburg \| Orsk \| Sol'-Ileck \| Soročinsk

[1] Buzulukan sauvondkolledžan sait (bsk-bz.ru). (ven.)

[2] Buzulukan pedagogižen kolledžan sait (pedkolleg-buzuluk.orb.ru). (ven.)

[3] Buzulukan muzikkolledžan sait (bmk56.ru). (ven.)

[4] Buzulukan mechozan-tehnikuman sait (blt-56.ru). (ven.)

[5] Buzulukan gumanitariž-tehnologižen institutan sait (bgti.ru). (ven.)

[1]

[2]

[3]

[4]

[5]