Gai (lidn)

Gai
Гай

Lidnanznam
Valdkund	Venäma
Eläjiden lugu (2024)	32,363 ristitud
Pind	62,14 km²
Pämez'	Oleg Papunin (reduku 2015—)
Telefonkod	+7−35 362-xx-xxx
Avtokod	56
Aigvö	UTC+5 (MSK+2)

Gai (ven.: Гай, «puišt» vaugedvenän kelespäi) om Venäman lidn Orenburgan agjan päivnouzmas. Se om Gain municipaližen ümbrikon (edel 2016. vot — rajonan) administrativižeks keskuseks da palaks (edel 2016. vot oli erigoittud lidnümbrikoks).

Istorii

Eländpunktan aluz om pandud vn 1959 9. päiväl semendkud samha vas'kkivendod. Kätihe lidnanvuiččeks žiloks vl 1965. Sai lidnan statusad vl 1979.

Gai šingotase küllästamižkombinatal i mujumetalloiden ümbriradmižen tegimel, mugažo pästtas kaivuzpäzutandmašiništod i lindferm om olmas.

Geografijan andmused

Gain ümbrikon sijaduz agjas vn 2022 kartal

Lidn sijadase municipaližen ümbrikon keskuzpalas, Suviuralan pautkil, 380 m ü.m.t. keskmäižel korktusel.

Matkad Orenburghasai om 245 km päivlaskmha orhal. Lähembaižed lidnad oma Orsk koumekümnes kilometras suvhe raudtedme i Novotroick 30 km suvhe orhal.

Tobmuz

Kaik 34 eländpunktad mülüdas ümbrikho Gain ližaks. Municipaližen ümbrikon pind — 2 923,55 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 38 301 ristitud, ümbrikon nell' videndest, vn 2021 — 33 280 ristitud. Kaik 35 255 eläjad oli lidnas vl 2017. Kaikiš suremb lidnan ristitišt oli 44 800 eläjad vl 1996.

Rahvahad (enamba 1 % vl 2010, ozutadud rahvahudenke): venälaižed — 81,8 %, baškirаlaižed — 4,7 %, ukrainalaižed — 4,1 %, totarlaižed — 3,9 %, kazahlaižed — 1,9 %, toižed rahvahad — 3,6 %.

Ortodoksižen hristanuskondan kaks' pühäpertid oma väges: ph. Johann Kronštadtlaižen päjumalanpert' (om saudud vll 2008−2014) i phh. Pedr- da Pauloi-apostoloiden jumalanpert' (letihe vll 1993−1998). Islaman pühäpert' om sauvomas vspäi 2012.

Openduz

Lapsiden opendusen aluzkundad oma päivkodid, keskškolad.

Orskan indistrialižen i medicinižen kolledžiden filialad oma lidnan professionaližen opendusen aluzkundoikš.

Galerei

• 
  Lidnan udištadud bul'var (2012)
• 
  Tegimištol'ne lavut kaivuden ülähäs vl 2014
• 
  Gain küllästamižkombinatan päfater vl 2016
• 
  Kivendon vaumičemižkompleks vl 2010
  (Gain küllästamižkombinat)
• 
  Kaivajiden kul'turkeskuz (vn 2004 olend)

Irdkosketused

• Gain municipaližen ümbrikon tobmuden sait (gy.orb.ru). (ven.)