Mednogorsk

Mednogorsk
Медногорск
Lidnanznam;	Flag;
Valdkund	Venäma
Eläjiden lugu (2021)	24,321 ristitud
Pind	91,33 km²
Pämez'	Andrei Nižegorodov; (kül'mku 2019—)
Telefonkod	+7−35 379-xx-xxx
Avtokod	56
Aigvö	UTC+5 (MSK+2)

Mednogorsk (ven.: Медногорск, mugažo baškiran kelel) om Venäman lidn da lidnümbrik Orenburgan agjan keskuzpalan päivnouzmas.

Istorii[redaktiruida | redaktiruida purde]

Eländpunktan aluz om pandud vl 1933 kuti vas'kižrikkombinat. Vl 1939 ühtištuihe Mednii-raudtesarakon radnikžiloid da anttihe lidnan statusad nügüdläiženke nimenke. Suren voinan aigan evakuiruihe Tulan azegtegimen palad neche lidnha. Tehtihe tuikutimid i lendimiden pul'kančudimid, sodan jäl'ghe — elektromašiništod laivoiden täht. Vl 1971 sijaline löudmižsija lopihe, i vas'kkombinat radaškanzi todud torhudel.

Geografijan andmused[redaktiruida | redaktiruida purde]

Lidn sijadase Bläv-jogen randal (ven.: Блява, Ural-jogen oigedpol'ne bassein), Uralmägiden suvipäivlaskmaižil pautkil, 238..478 m korktusil. Matkad Orenburghasai om 233 km päivlaskmha, Orskhasai — 51 km päivnouzmha. Lähembaine lidn om Kuvandik 20 km päivlaskmha avtotel.

Mednogorsk jagase 11 istorižikš sündnudeks lidnanlaptaks. Blävtamak-žilo (946 rist. vl 2010), Bläv-stancii (18 rist. vl 2010) i nell' küläd mülüdas lidnümbrikho Mednogorskan ližaks. Lidnümbrikon pind om 353,63 nellikkilometrad.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 27 292 ristitud, lidnümbrikon — 29 120 ristitud. Kaikiš suremb lidnan ristitišt oli 39 tuhad eläjid vl 1967.

Rahvahad (vl 2010, enamba 1%, ozutadud rahvahudenke): venälaižed — 82,0%, baškiralaižed — 8,7%, totarlaižed — 4,1%, ukrainalaižed — 2,2%, toižed rahvahad — 3,0%.

Edeline lidnümbrikon pämez' om Dmitrii Sadovenko (kezaku 2013 — sügüz'ku 2019).

Ižanduz[redaktiruida | redaktiruida purde]

Ižandusen päsarakod oma vas'k metallurgii (Mednogorskan vas'kižrikkombinat^[1]), elektromašiništon pästand («Uralelektro»-tegim), sauvondmaterialiden tehmine (savič, šebin'), sömtegimišt.

Professionaližen keskopendusen aluzkundad: Mednogorskan industrialine kolledž^[2], Orskan medicinižen kolledžan Mednogorskan filial.

Avtobusad da maršruttaksid oma kundaližeks transportaks. Raudtestancii om «Orenburg — Orsk»-jonol lidnan suves.

Galerei[redaktiruida | redaktiruida purde]

Lidnan irdan nägu vl 2014
Lidnan irdan nägu vl 2014
«Metallurg»-kul'turkeskuz om kuvan keskuzpalas (2015)

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Mednogorsk Vikiaitas

	Orenburgan agjan lidnad
	Abdulino \| Buguruslan \| Buzuluk \| Gai \| Jasnii \| Kuvandik \| Mednogorsk \| Novotroick \| Orenburg \| Orsk \| Sol'-Ileck \| Soročinsk

[1] Mednogorskan vas'kižrikkombinatan sait (mmsk.ugmk.com). (ven.)

[2] Mednogorskan industrialižen kolledžan sait (gapoumik.ru). (ven.)

[1]

[2]