Sol'-Ileck

Sol'-Ileck
Соль-Илецк
Lidnanznam;	Flag;
Valdkund	Venäma
Eläjiden lugu (2021)	26,655 ristitud
Pind	185,3 km²
Pämez'	Aleksei Kuz'min; (2016—)
Telefonkod	+7−35 336-xx-xxx
Avtokod	56
Aigvö	UTC+5 (MSK+2)

Lidnan da sen ümbrišton shematine kart (2019)

Sol'-Ileck (ven.: Соль-Илецк, tot.: Тоз-Түбә / Тоз-Иләк) om Venäman lidn da lebutaho Orenburgan agjan suves. Se om Sol'-Ileckan lidnümbrikon (edel 2016. vot — rajonan) administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1744 žiloks samha keitandsolad. Vl 1754 saudihe Ilekan Kaičend-lidnusen (ven.: крепость Илецкая Защита) kalaidajid heimoid vaste. Žilo sai lidnan statusad vl 1865 udenke Ileck-nimenke. Vl 1926 se kändihe lidnanvuiččeks Ileckoje-žiloks. Vl 1935 nimitihe sidä Ilekan Kaičend:aks möst. Vspäi 1945 kätihe žilod lidnaks tošti da nimitihe nügüdläižikš.

Sol'-Ileckan ižandusen päsarakod oma sötmižheinänobrädindmašiništon tehmine jäl'gregidenke da keitandsolan samine. Röunanverine Ileck-1-raudtesol'm om Kazahstanan ičezkaluištos. Kezaaigan äi matknikoid tuldas järviden randoidenno lebutamha

Geografijan andmused[redaktiruida | redaktiruida purde]

Lidn sijadase Ilek-jogen molembil randoil (ven.: Иле́к, Uralan hura ližajogi), sen keskuz sijadase 125 m korktusel valdmeren pindan päl.

Redu- da solakahad järved oma lidnan südäimes. Matkad Orenburghasai om 70 km pohjoižhe i se om lähembaine lidn, Kazahstanan röunhasai — läz 30 km suvipäivlaskmha.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 28 337 ristitud, rajonan ristitišton pol'. Kaikiš suremb ristitišt oli 28 400 eläjad vl 2011.

Rahvahad (vl 2010, enamba 1%, ozutadud rahvahudenke): venälaižed — 63,8%, kazahlaižed — 17,5%, totarlaižed — 10,1%, ukrainalaižed — 3,4%, saksalaižed — 1,6%, toižed rahvahad — 3,6%.

Ortodoksižen hristanuskondan koume pühäpertid^[1] oma olmas lidnas: kaks' jumalanpertid i časoun'.

Galerei[redaktiruida | redaktiruida purde]

Revolücijan borcujiden skver i velleskaum puištos Leninan Komsomolan nimed (2017)
Jumalanmaman Kazanin jumalaižen puine jumalanpert', vn 2021 nägu
Solansamižen «Russol'»-edheotand Razval-järven randal i kurort vn 2016 elokus
Nägu lidnan kurortha vn 2017 elokus
Raudted lidnas vl 2013

Homaičendad[redaktiruida | redaktiruida purde]

↑ Sol'-Ileckan pühäpertid sobory.ru-saital. (ven.)

Irdkosketused[redaktiruida | redaktiruida purde]

Lidnümbrikon tobmuden aluzkundoiden oficialine sait (soliletsk.ru). (ven.)

Sol'-Ileck Vikiaitas

	Orenburgan agjan lidnad
	Abdulino \| Buguruslan \| Buzuluk \| Gai \| Jasnii \| Kuvandik \| Mednogorsk \| Novotroick \| Orenburg \| Orsk \| Sol'-Ileck \| Soročinsk

[1] Sol'-Ileckan pühäpertid sobory.ru-saital. (ven.)

[1]