Süvärensu

Süvärensu
Свирица (ven.)
Syvärinsuu (suom.)

Valdkund	Venäma
Eläjiden lugu (2017)	539 ristitud
Telefonkod	+7−81 363-xx-xxx
Aigvö	UTC+3 (MSK+0)

Süvärensu (ven.: Сви́рица, suom.: Syvärinsuu) om Venäman žilo Leningradan agjan Volhovan rajonas. Žilo om Süvärensun küläkundan administrativine keskuz.

Istorii

Ezmäižed eländpunktad oliba pandud Süvären sun randoihe 18. voz'sadal, Vanhan Ladogan kanalan sauvondan täht.

Sätihe eländpunktad radnikžiloks 1938-ndes vodes nellän külän ühtištusel: Kondrat'jevo, Uz' Süvärensu (se oli kaikiš suremb niišpäi), Vanh Süvärensu i Tegimkülä. Süvärensu-žilo mülüb Volhovan rajonha vspäi 1965. Vl 1999 kadoti lidnanvuiččen žilon statusad i kändihe küläeländpunktaks.

Süvärensu šingotase jogiportal, sidon i radionavigacijan cehal ujujiden Ladogadme astjoiden täht.

Geografijan andmused

Žilo sijadase rajonan pohjoižpäivnouzmas, läz sen röunad. Süvärensu seižub Paksjogen i Süvären randoil. Sijadase Lidnsaren südäimes mugažo, pen' so om olmas sen keskuses. Üks'jäine sild om žilos, toižed randad ühtenzoitasoiš motorvenehil kezaaigan.

Matkad Volhov-rajonkeskushesai om 69 km suvipäivlaskmha orhal vai 82 km avtoteidme. Lähembaižed lidnad oma Uz' Ladog 51 km suvipäivlaskmha orhal i Pöud 46 km pohjoižpäivnouzmha orhal vai 63 km avtotedme.

Eläjad

Žilon eläjiden lugu oli 655 ristitud 2007-ndes vodes, vl 1990 oli 1400 eläjad. Kaikiš suremb ristitišt oli 2652 eläjad vl 1939.

Nened aluzkundad ratas žilos: päivkodi, keskškol, počtan palakund, kul'turkeskuz, medpunkt, om severt-se laukoid.

Lugetas üks'toštkümne irdad žilos.

Irdkosketused

• Küläkundan oficialine sait (svirica-adm.ru). (ven.)