Semei

Vikipedii-späi
Semei
Семей
Lidnanznam
Valdkund Kazahstan
Eläjiden lugu (2018) 349,102 ristitud
Pind 210 km²
Semei Семей
Pämez' Ermak Salimov
(kezaku 2015—)
Telefonkod +7−7222-xxx-xxx
Aigvö UTC+6


Semei (kaz. i ven.: Семей), vhesai 2007 oficialine nimi oli Semipalatinsk (kaz. i ven. Семипалатинск, mž. kaz. Семпалат), om lidn Kazahstanan pohjoižpäivnouzmas, sen Päivnouzmaine Kazahstanan agjan kahtenz' surtte lidn agjan alištusenke.

Istorii[vajehta | vajehtada tekst]

Eländpunktan aluz om pandud vl 1718 kuti Semipalatinskan lidnuz (nüg. «Vanh Lidnuz») 18 km mödvedhe nügüdläižen lidnan sijadusespäi. Om nimitadud buddizman seičemen lähižen vanhan pühäpertin mödhe («seičeme palatad»). Lidnan status om anttud vl 1782.

Vozil 1949−1989 nevondkundaližen atomazegišton kodvad oliba 200 km suvipäivlaskmha lidnaspäi. Vn 1997 semendkus Semipalatinskan agj oli tühjitadud i Semei kadoti agjan keskusen statusad.

Geografijan andmused[vajehta | vajehtada tekst]

Semei sijadase Irtiš-jogen muugotil randoil. Matkad Ust' Kamenogorskhasai (agjan keskuz) om 200 km päivnouzmha ülezjogen.

Klimat om terav kontinentaline, paneb sadegid 275 mm vodes.

Lidnanümbrikon pind om 27 490 km², 35 pen't küläd alištudas akimatale (lidnan administracijale).

Eläjad[vajehta | vajehtada tekst]

Vl 2009 eläjiden lugu oli 299 264 ristitud. Kaikiš suremb ristitišt oli 344 tuhad eläjid vl 1991 i om nügüd'. Kahesa islaman pühäpertid om lidnas, mugažo ortodoksižen hristanuskondan päjumalanpert', naižjumalankodi da severz'-se časounäd.

Lidnanümbrikon (Akimatan) rahvahaline mülükund (1. viluku 2010, enamba 0,4%): kazahlaižed — 63,2%, venänikad — 29,9%, totarlaižed — 3,7%, saksalaižed — 1,0%, ukrainalaižed — 0,8%, toižed rahvahad — 1,4%.

Transport[vajehta | vajehtada tekst]

Avtobusad da maršruttaksid oma kundaližeks transportaks lidnas. Päraudtestancii om NovosibirskAlmati-raudtel, raudtesild da kaks' avtotesildad Irtišas päliči.

Rahvahidenkeskeine soda- da civiline lendimport (СПЛ / PLX) sijadase Semein hural randpolel (Žanasemei — «Uz' Semei»), 10 km suvipäivlaskmha lidnan keskusespäi. Sišpäi tehtas reisid Astanha, Almatihe, Ust' Kamenogorskha da Moskvha.

Homaičendad[vajehta | vajehtada tekst]


Irdkosketused[vajehta | vajehtada tekst]