Sen Lui (lidn, Senegal)

Sen Lui
Saint-Louis

Valdkund	Senegal
Eläjiden lugu (2015)	237,563 ristitud
Pämez'	Mansur Faje (kezaku 2014—. Mansour Faye)
Telefonkod	+221-
Aigvö	UTC+0

Sil sanal voib olda toižid znamoičendoid; miše nähta niid, tulgat tänna.

Sen Lui (franc.: Saint-Louis, volof.: Ndar) om lidn Senegalan lodehes. Se om valdkundan kudenz' lidn eläjiden lugun mödhe, Sen Luin agjan administrativine keskuz.

Istorii

Eländpunktan aluz om pandud Francijan torgovanoil vl 1659 jogen rahvahatomal sarel, francijalaižiden ezmäine žilo Senegalas. Nimitihe Francijan Lui IX-kunigahan-pühämehen mödhe. Lidn oli Francijan Senegal-kolonijan pälidnaks vll 1673−1902 i Francižen Päivlaskmaižen Afrikan pälidnaks vll 1895−1902, sirtihe sidä Dakarha. Vll 1920−1957 Sen Lui oli lähižen Mavritanii-kolonijan pälidnaks.

Sen Lui šingotase turizmal i sömtegimištol (saharedheotandad, kalanpüdand, arahisan ümbriradmine).

Geografijan andmused

Lidn sijadase Atlantižen valdmeren i Senegal-jogen randoil, 22 m ü.m.t. keskmäižel korktusel. Hoik 10-kilometrine čirak erigoitab valdmert jogespäi, Senegal lankteb valdmerhe ani suvhe lidnaspäi. Sen Lui-lidnan keskuz om saudud jogen Ndar-sarel, se mülüb UNESCO:n Mail'man jäl'gushe. Matkad Mavritanijan röunhasai om 2 km pohjoižhe, Dakar-pälidnhasai om 264 km suvipäivlaskmha orhal vai 320 km avtotedme.

Eläjad

Vn 2013 Senegalan rahvahanlugemižen mödhe lidnan eläjiden lugu oli 209 752 ristitud, agjan läz nelländest. Kaikiš suremb ristitišt om nügüd'.

Sodaakademii Čarl'z Nčorere nimed radab vspäi 1922, universitet Gaston Bergeran nimed om olmas vspäi 1990.

Sebruzlidnad

• Italii Bolonj, Italii (vspäi 1991)
• Marok Fes, Marok (tal'vku 1979)
• Brazilii Fortalez, Sear, Brazilii (2006)
• Francii Lill', Francii (1978)
• Bel'gii L'jež, Vallonii, Bel'gii (1980)
• AÜV Sent Luis, Missuri, AÜV (1994)

Irdkosketused

• Lidnan turizman sait (saintlouisdusenegal.com). (fr.) (angl.) (+ äikel'ne avtomatine känduz)