Turkmenbaši

Vikipedii
Mine navigeerimisribale Mine otsikasti
Turkmenbaši
Türkmenbaşy
Valdkund Turkmenistan
Eläjiden lugu (2010) 73,803 ristitud
Turkmenbaši Türkmenbaşy
Telefonkod +993−243
Aigvö UTC+5


Turkmenbaši (turkmen.: Türkmenbaşy) om lidn da meriport Turkmenistanan päivlaskmas. Mülüb Balkanabatan agjaha.

Istorii[redaktiruida | redaktiruida purde]

Nügüdläižen eländpunktan aluz om pandud vl 1869 kuti Venäman imperijan armijan Krasnovodsk-lidnuz. Raudte ühtenzoiti portad Keskuzazijan järedoidenke lidnoidenke 20. voz'sadan augotišes. Nevondkundaližen aigan lidn oli Krasnovodskan agjan administrativižeks keskuseks, agj oli olmas vll 1939−1947, 1952−1955, 1973−1988. Udesnimitihe lidnad vl 1993 Saparmurat Nijazov-prezidentan toižen nimen mödhe.

Turkmenbaši šingotase kivivoin ümbriradmižen tegimiden kompleksal (benzin, tehnižed void, polipropilen), rahvahidenkeskeižel meriportal i Avaz-merikurortal (turkmen.: Awaza).

Geografijan andmused[redaktiruida | redaktiruida purde]

Lidn sijadase Kaspijan meren päivnouzmaižel randal, 27 m ü.m.t. keskmäižel korktusel. Matkad Ašgabathasai om 520 km päivnouzmha orhal vai 580 km avtotel. Ehtatim ühtenzoitab Bakunke päivlaskmas (Azerbaidžan, 306 km).

Klimat om subtropine kuiv letetazangišton, kezal om räk. Voden keskmäine lämuz om +15,1 C°, ekstremumad oma −21 C° i +45 C°. Paneb sadegid 126 mm vodes, vähemba kezakus-sügüz'kus (15 mm pordos). Meriveden lämuz ülitab +20 C° semendkus-redukus.

Turkmenbaši jagase kahteks etrapaks.

Eläjad[redaktiruida | redaktiruida purde]

Vl 2010 eläjiden lugu oli 73 803 ristitud. Kaikiš suremb ristitišt om nügüd'.

Rahvahidenkeskeine civiline Turkmenbaši-lidnan lendimport (KRW / UTAK) radab Avazan etrapas 12 km lidnan keskusespäi. Tehtas passažirreisid Turkmenistanadme i Stambulha. Ei ole passažirtrafikan statistikad, no lendimport voib pästta 800 passažirad čashu. Jügureisad ühtenzoittas Suvipäivlaskmašt Azijad Evropanke i Kavkazan pälidnoidenke.

Sebruzlidnad[redaktiruida | redaktiruida purde]