Arsen'jev (lidn)
Lidnanznam
|
Flag
|
| Valdkund | Venäma |
| Eläjiden lugu (2021) | 51,723 ristitud |
| Pind | 39,37 km² |
| |
| Pämez' | Vladimir Piven' (heinku 2018—) |
| Telefonkod | +7−42 361-xx-xxx |
| Avtokod | 25, 125 |
| Aigvö | UTC+10 (MSK+7) |
Arsen'jev (ven.: Арсеньев) om Venäman lidn da lidnümbrik Merenrandaližen randan suves.
Istorii[redaktiruida | redaktiruida purde]
Eländpunktan aluz om pandud vl 1902 kuti Semönovk-žilo (ven.: село Семёновка) severziš-se külišpäi. Kätihe sidä radnikžiloks vl 1938 sauvomha lendimiden kohenduztegint. Se sai lidnan statusad vl 1952, nimitihe Edahaižen Päivnouzmman Vladimir Arsen'jev-tedoidajan da kirjutajan oiktastuseks.
Geografijan andmused[redaktiruida | redaktiruida purde]
Lidn sijadase Arsen'jevk-jogen oiktal randpolel (aborigenine nimi om Hue, Ussurin hura ližajogi), 170 m ü.m.t. keskmäižel korktusel. Sambnu Obzornai-vulkan (ven.: сопка Обзорная, 876 m) da Sihote Alin'-mägisel'gan pautked seištas lidnan ümbrištos, suvipäivnouzmha lidnaspäi. Matkad Vladivostokhasai om 160 km suvipäivlaskmha orhal vai 250 km avtotedme. Lähembaine lidn om Spassk Dal'nii 62 km lodeheze orhal vai 110 km avtotedme.
Arsen'jev om lidnümbrikon üks'jäine eländpunkt.
Eläjad da ižanduz[redaktiruida | redaktiruida purde]
Vn 2010 Venäman rahvahanlugemižen mödhe eläjiden lugu oli 56 750 ristitud. Kaikiš suremb ristitišt oli 71 500 eläjad vl 1992.
Ižandusen päsarakod oma aviasauvomine («Ka»-punolendimiden pästand «Progress»-kompanijal), laivarmaturan tehmine («Askol'd»-tegim) i sömtegimišt (leibänkombinat, maidkombinat, vastegim, jauhtegesiden i maploduiden ümbriradmižen edheotandad).
Mererandaline industrialine kolledž[1] i EPFU:n kolledž (enzne aviatehnikum) oma professionaližen opendusen aluzkundoikš.
Galerei[redaktiruida | redaktiruida purde]
Muštnik Vladimir Arsen'jevale lidnan röunal (2013)
Jumalanmaman Blagoveššenjan kafedraline päjumalanpert', vn 2011 nägu
«Progress»-tegimen administracijan sauvuz vl 2010
«Progress»-tegimen kul'turkeskuz (2010)
Monument Dersu Uzalan muštoks — čomamahtoine mel'kuva (2012)
Homaičendad[redaktiruida | redaktiruida purde]
Irdkosketused[redaktiruida | redaktiruida purde]
 |
Arsen'jev (lidn) Vikiaitas |
| Merenrandaližen randan lidnad | ||
| Arsen'jev | Artöm | Dal'negorsk | Dal'nerečensk | Fokino | Lesozavodsk | Nahotk | Partizansk | Spassk Dal'nii | Sur' Kivi | Ussuriisk | Vladivostok | ||