Partizansk

Partizansk
Партизанск
Lidnanznam;	Flag;
Valdkund	Venäma
Eläjiden lugu (2021)	36,247 ristitud
Pind	126 km²
Pämez'	Oleg Bondarev; (sulaku 2019—)
Telefonkod	+7−42 363-xx-xxx
Avtokod	25, 125
Aigvö	UTC+10 (MSK+7)

Partizansk (ven.: Партиза́нск) om Venäman lidn da lidnümbrik Merenrandaližen randan suves. Mülüb Nahotkan lidnaglomeracijha.

Istorii[redaktiruida | redaktiruida purde]

Eländpunktan aluz om pandud vl 1896 kuti Sučanan kaivuz-žilo (ven.: Сучанский Рудник) samha kivihil't, nimitihe jogen mödhe, sana kitajiženke augotižlibundanke. Vl 1932 žilo sai lidnan statusad Sučan-nimenke. Udesnimitihe nügüdläižikš vn 1972 26. päiväl tal'vkud Rahvahanikoiden sodan vägevan partizanoiden likundan tagut neniš tahoiš.

Partizansk-lidn šingotihe kivihilen samižen järedaks keskuseks, saudihe koume omblendfabrikad, ladimensauvomižen, mecan ümbriradmižen i sömtegimišton edheotandoid, farmaceftine tegim radoi. Likvidiruihe kivihilen samižen sarakod vozil 1994−2004 (vl 2008 Uglekamenskas), sid' toižid tegimid. Nügüd'aigan Partizanskan GRES radab (vedadas hil't Nerüngrišpäi), raudten edheotandad «Vladivostok — Nahotk»-jonol, metalližkonstrukcijoiden tegim, sömtegimišton edheotandad (oludentegim) oma väges.

Geografijan andmused[redaktiruida | redaktiruida purde]

Lidn sijadase Partizanskai-jogen alangištos (ven.: Партизанская, ende Sučan), 140 m ü.m.t. keskmäižel korktusel, mäged ümbärtas lidnad. Lujad manrehkaidused oleldas (vl 1933 — seičemeballaine). Matkad Vladivostokhasai om 95 km päivlaskmha orhal. Lähembaine lidn om Nahotk 50 km suvhe avtotedme.

Klimat om ven mussonine, oleleb vähä lunt tal'vel. Voden keskmäine lämuz om +5,3 C°, heinkun-elokun +19..+21 C°, tal'vkun-uhokun −9..−12 C°. Ekstremumad oma −29,9 C° i +37,8 C°. Paneb sadegid 681 mm vodes, enamba kezakus-sügüz'kus (106..112 mm kus), vähemba tal'vkus-uhokus (13..17 mm kus).

Kaik ühesa žilod, raudtestancii i raudtesarak mülüdas lidnümbrikho Partizanskan ližaks, niiden kesken Uglekamensk-žilo (3647 rist. vl 2010) i Avangard-žilo (2143 rist. vl 2010). Lidnümbrikon pind — 1288,61 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 38 659 ristitud, lidnümbrikon — 46 748 ristitud. Kaikiš suremb lidnan ristitišt oli 46..50 tuhad vll 1959−2001 (50 000 rist. vl 1967, 49 900 rist. vl 1992). Vl 2017 kaik 37 291 ristitud elihe lidnas i 45 106 ristitud kaikes lidnümbrikos.

Ortodoksižen hristanuskondan Sündun Sretenjan jumalankodi (om saudud vll 2018−2020) i Jumalanmaman Sündundan jumalanpert'^[1] (om sirtud nügüdläižhe sijha vll 1963−1964) oma avaitud lidnas.

Mererandaline äiprofil'ne kolledž^[2] (kaivuztehnikum enččel) om lidnan professionaližen opendusen aluzkundaks, mugažo Vladivostokan bazižen medicinižen kolledžan filial^[3].

Lidnümbrikon edeline pämez' om Aleksandr Zraževskii (keväz'ku 2014 — semendku 2018).

Galerei[redaktiruida | redaktiruida purde]

Lidnümbrikon administracijan sauvuz (2011)
Suren sodan memorialine kompleks, vn 2011 nägu
Kul'turkeskuz (2011)
Partizanskan päraudtestancii vl 2011

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnan tobmuden aluzkundoiden oficialine sait (partizansk.org). (ven.)

Partizansk Vikiaitas

	Merenrandaližen randan lidnad
	Arsen'jev \| Artöm \| Dal'negorsk \| Dal'nerečensk \| Fokino \| Lesozavodsk \| Nahotk \| Partizansk \| Spassk Dal'nii \| Sur' Kivi \| Ussuriisk \| Vladivostok

[1] Partizanskan pühäpertid sobory.ru-saital (ven.)

[2] Mererandaližen äiprofil'žen kolledžan sait (pmk.partizansk.org). (ven.)

[3] Partizanskan filialan lehtpoled Vladivostokan bazižen medicinižen kolledžan vbmk1.ru-saital. (ven.)

[1]

[2]

[3]