Dal'nerečensk

Dal'nerečensk
Дальнереченск
Lidnanznam;	Flag;
Valdkund	Venäma
Eläjiden lugu (2021)	24,786 ristitud
Pind	108,49 km²
Pämez'	Aleksandr Pavlov; (reduku 2014—)
Telefonkod	+7−42 356-xx-xxx
Aigvö	UTC+10

Dal'nerečensk (ven.: Дальнереченск) om Venäman lidn Merenrandaližen randan pohjoižes. Se om kaikiš pohjoižemb da amuižemb lidn Merenrandaližes randas.

Istorii[redaktiruida | redaktiruida purde]

Eländpunktan aluz om pandud kozakoil vl 1859 kuti Grafskai-stanic (ven.: станица Графская). Vozil 1897−1972 nimitihe Iman:aks jogen mödhe (nüg. Sur' Ussurk), se oli kitajankel'ne nimituz. Om olmas lidnan statusanke vspäi 1917. Vspäi 1972 nimitase nügüdläižikš nevondkundaliž-kitajižen azekhan konfliktan jäl'ghe Damanskii-sarel.

Vn 2016 sügüz'kul Laionrok-taifun toi sur'vet, lidnan znamasine pala alištui upotamižele pit'kiden valegiden tagut.

Dal'nerečenskan ižandusen päsarak om mecan ümbriradmine. Kivivoinpompstancii om olmas.

Geografijan andmused[redaktiruida | redaktiruida purde]

Lidn sijadase läz Kitain valdkundröunad, Ussuri-jogen oiktal randal i Sihote-Alinän ezimägištol, 160 m keskmäižel korktusel valdmeren pindan päl. Habarovsk — Vladivostok-raudte i avtote läbitadas lidnad. Om 400 km matkad Vladivostokhasai suvipäivlaskmha. Lähembaine Venäman lidn om Lesozavodsk 50 km suvhe.

Klimat om ven kontinentaline. Vilukun keskmäine lämuz om −18,8 C°, heinku i eloku oleldas kaikiš lämhembad (+21 C°), voden lämuz om +3,2 C°. Paneb sadegid 637 mm vodes, sidä kesken 237 mm mussonan aigan (heinku-eloku) i 94 mm tal'vel vides kus (kül'mku-keväz'ku).

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 27 604 ristitud. Kaikiš suremb ristitišt oli 39,7 tuhad eläjid vl 1996.

Tegimištoliž-tehnologine kolledž^[1] om professionaližen üläopendusen aluzkundaks.

Galerei[redaktiruida | redaktiruida purde]

Lidnan administracijan sauvuz (2012)
Spasan londuseližen mel'kuvan jumalanpert', vn 2012 nägu
Sodakomissariat (2012, ende «Kunst&Albers»-torguindkodin sauvuz)
«Vostok»-kul'turkeskuz (Päivnouzm)
Dal'nerečensk I-päraudtestancijan sauvuz vl 2012

Homaičendad[redaktiruida | redaktiruida purde]

↑ Tegimištoliž-tehnologižen kolledžan sait (pu27.com). (ven.)

Irdkosketused[redaktiruida | redaktiruida purde]

Dal'nerečenskan lidnanümbrikon tobmuden sait (dalnerokrug.ru). (ven.)

Dal'nerečensk Vikiaitas

	Merenrandaližen randan lidnad
	Arsen'jev \| Artöm \| Dal'negorsk \| Dal'nerečensk \| Fokino \| Lesozavodsk \| Nahotk \| Partizansk \| Spassk Dal'nii \| Sur' Kivi \| Ussuriisk \| Vladivostok

[1] Tegimištoliž-tehnologižen kolledžan sait (pu27.com). (ven.)

[1]