Citrus

Citruskazmusiden levitadud plodud:
limon, laim, apel'sin, mandarin

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Dicotyledones)
Kund:	Sapindusänikoižed (Sapindales)
Sugukund:	Rutaižed (Rutaceae)
Heim:	Citrus

Latinankel'ne nimi

Cítrus (L.)

Areal

Citrusiden kazvatusen znamasižed regionad

Sistematik
Vikierikoiš

Kuvad
Vikiaitas

ITIS 28882

NCBI 2706

Citrus (mugažo latinan kelel, znamoiči siš «limonpu») om igähižvihandoiden puiden i penzhiden heim. Mülüb Rutaižed-sugukundha.

Leviganduz

Heimon erikod libudas Suvipäivnouzmaižen Azijan regionaspäi ezimeletaden, avarudel Indijan päivnouzmaspäi Tünen valdmeren sarihesai. Sel'gitadas ploduiden havadoiden mödhe, ned šingotiba kuivan aigoidme mussonižen klimatan arvoimižiš^[1]. Sil-žo aigal om tedoidusid, miše heimon kazmusiden augotižlibund om Avstralii, Uz' Gvinei i Uz' Kaledonii.

Kul'turoičend zavodihe Amuižen Kitain territorijal nell' tuhad vozid tagaz i jäi siš hätken aigan. Gibridizacii sijaližidenke citrusidenke veb erasid erikoid segotadud klassifikacijale. Nügüd'aigan om citrusplantacijoid 140 valdkundas, 35° levedushesai ekvatoralpäi molembihe polihe päpaloin.

The Plant List-andmuzbazan mödhe, kaik lugetihe koumekümne koume erikod heimos i völ 141 nimitusen status ei olend märhepandud. Sen ližaks, om äiluguižid gibridoid i sortuid, niiden kesken om honuzkazmusid. Heimon kul'turoiden ploduiden vozne satuz oli 105 mln tonnoid vll 2002−2004. Päkazvatajad oma Brazilii (apel'sinad), Kitai (greipfrutad, apel'sinad, mandarinad), Evropan Ühtištuz (mandarinad, limonad, laimad), Meksik (limonad, laimad), Argentin (limonad, laimad).

Valitud erikod

Citrus aurantiifolia — Laim, libub Indijaspäi
Citrus australasica — Sor'menvuitte laim
Citrus hystrix — Kaffirlaim
Citrus limon — Limon
Citrus maxima — libub Malajižes sarištospäi (Indonezii, Malaizii)
Citrus medica — Citron, heimon tipine erik, libub Indijaspäi
Citrus nobilis — Hüväsuguine mandarin, vai Kunigazline mandarin
Citrus paradisi — Greipfrut
Citrus reticulata — Mandarin, libub Kitaišpäi
Citrus sinensis — Apel'sin

Homaičendad

↑ Ensminger A. H., Ensminger M. E., Konlande J. E., and Robson J. R. K. Citrus fruits Citrus spp. (Citrus-heimon erikoiden plodud) // Foods and Nutrition Encyclopedia (Sömän da sömižen enciklopedii). — 2. pästand. — CRS Press, 1993. — Tom 1: A-H. — Lpp. 425−426. (angl.) ISBN 978-0-8493-8981-8.

Citrus Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.

[1] Ensminger A. H., Ensminger M. E., Konlande J. E., and Robson J. R. K. Citrus fruits Citrus spp. (Citrus-heimon erikoiden plodud) // Foods and Nutrition Encyclopedia (Sömän da sömižen enciklopedii). — 2. pästand. — CRS Press, 1993. — Tom 1: A-H. — Lpp. 425−426. (angl.) ISBN 978-0-8493-8981-8.

[1]