Muravlenko

Vikipedii
Mine navigeerimisribale Mine otsikasti
Muravlenko
Муравленко
 Lidnanznam
Coat of Arms of Muravlenko (Yamal Nenetsia).png
 Flag
Flag of Muravlenko (Yamal Nenetsia).svg
Valdkund Venäma
Eläjiden lugu (2017) 32 540 ristitud
Muravlenko Муравленко
Pämez' Aleksandr Podoroga
(semendku 2 012—)
Telefonkod +7-34 938-xx-xxx
Avtokod 89
Aigvö UTC+5 (MSK+2)


«Gazpromneft'-Muravlenko»-palakundan kontor Leninan-irdal.

Muravlenko (ven., tot. i ukr.: Муравленко) om Venäman lidn da lidnümbrik Jamalan Nenciden avtonomižen ümbrikon suves. Se om ümbärtud Puran rajonan territorijal.

Istorii[redaktiruida | redaktiruida purde]

Sauvoškanzihe eländpunktad generaližen planan mödhe vl 1982 keskuseks otmaha kävutamižhe kivivoin Muravlenkon löudmižsijiden gruppad Päivlaskmaižes Sibiriš, sidä kesken järed Sutorminan, oli avaitud vn 1975 elokus. Registriruihe žilod vl 1984 1600 eläjanke, nimitihe Muravlenkovskii nevondkundaližen Viktor Muravlenko-ohjandajan kanzannimen mödhe, hän radoi kivivoin sarakon kaikiš suremban «Glavtümen'neftegaz»-edheotandan pämehen vll 1965−1977 surmhasai.

Žilo sai lidnan statusad vl 1990 nügüdläiženke nimenke. Se šingotase kivivoin samižel («Gazprom neft'»), Muravlenkon kivivoin gazan ümbriradmižen tegimel («SiburTümen'Gaz»), torviden da niiden armaturan «Stroineftegazmaš»-tegimel, leibänedheotandal.

Geografijan andmused[redaktiruida | redaktiruida purde]

Lidn sijadase Päkupur-jogen basseinas (Puran hura joginišk), 120 m ü.m.t. keskmäižel korktusel. Matkad Salehardhasai om 479 km lodeheze orhal vai 1020 km avtotedme. Lähembaine lidn om Nojabr'sk 80 km suvipäivnouzmha orhal vai 125 km avtol. Lähembaine raudtestancii sijadase Hanimei-žilos 71 km päivnouzmha avtotedme.

Muravlenko om lidnümbrikon üks'jäine eländpunkt.

Eläjad[redaktiruida | redaktiruida purde]

Vn 2010 kaiken Venäman rahvahanlugemižen mödhe eläjiden lugu oli 33 391 ristitud. Kaikiš suremb lidnan ristitišt oli 37 256 eläjad vl 2009. Ortodoksižen hristanuskondan Spasan Toižetamižen pühäpert' (om saudud vll 1996−2001) i islaman mečet' (vspäi 2006) oma olmas lidnas.

Rahvahad (enamba 1% vl 2010): venälaižed — 58,1%, ukrainalaižed — 12,1%, totarlaižed — 9,7%, azerbaidžanlaižed — 4,1%, baškiralaižed — 3,8%, vaugedvenälaižed — 2,1%, čuvašalaižed — 1,0%, toižed rahvahad — 9,1%.

Muravlenkon äiprofil'ne kolledž om professionaližen opendusen aluzkundaks.

Irdkosketused[redaktiruida | redaktiruida purde]



Jamalan Nenciden avtonomižen ümbrikon lidnad
Gubkinskii | Labitnangi | Muravlenko | Nadim | Nojabr'sk | Salehard | Tarkosale | Uz' Urengoi