Novoul'janovsk

Vikipedii
Mine navigeerimisribale Mine otsikasti
Novoul'janovsk
Новоульяновск
Lidnanznam
Coat of arms of Novoulyanovsk.png
Valdkund Venäma
Eläjiden lugu (2021) 13,588 ristitud
Pind 9,36 km²
Pämez' Gennadii Denikaev
(kül'mku 2012—)
Telefonkod +7−84 255-xx-xxx
Avtokod 73, 173
Aigvö UTC+4 (MSK+1)


Novoul'janovskan lidnümbrik agjan kartal (2009)

Novoul'janovsk (ven.: Новоулья́новск) om Venäman lidn da lidnümbrik Ul'janovskan agjan keskuzpalas.

Istorii[redaktiruida | redaktiruida purde]

Kremenki-žilon aluz oli pandud kuti Simbirskan varjoičendpunkt. Vl 1956 nevondkundaline tobmuz päti sauda cementtegint sijaližel torhudel läz Kremenki-žilod, zavottihe avto- da raudteišpäi, kävutihe türmatud mehiden töid sauvomha tegint.

Nügüdläižen eländpunktan aluz om pandud oficialižikš vl 1957, se kändihe Novoul'janovsk-radnikžiloks vl 1961, lidnaks vn 1967 11. päiväl semendkud. Vspäi 1981 Kremenki-žilo mülüb lidnha. Vn 2003 redukuspäi erigottihe Novoul'janovskad ümbrištonke Ul'janovskan rajonaspäi, kätihe municipaližeks ühtnikaks agjan alištusenke.

Novoul'janovsk šingotase sauvondmaterialiden tehmižel: cementantegim, asbestiž-cementižed tegesed, raudbetonkonstrukcijad, pehmdad katuzmaterialad. Laivansauvomižen da kohendusen tegim radab Kriuši-žilos.

Geografijan andmused[redaktiruida | redaktiruida purde]

Lidn sijadase Volgan oiktal randal (Kuibiševan vezivaradim), 100 m ü.m.t. keskmäižel korktusel. Om Ul'janovskan suvižeks kaimdailidnaks kümnes kilometras sen röunaspäi.

Viž žilod, sidä kesken järed Kriuši-žilo (2 699 rist. vl 2010), mülüdas lidnümbrikho Novoul'janovskan ližaks. Lidnümbrikon pind — 253,67 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 16 033 ristitud, lidnümbrikon — 20 333 ristitud. Kaikiš suremb ristitišt oli enamba 17 tuhad eläjid vll 1996−2005 (18 000 rist. vl 1998). Vl 2017 kaik 14 164 ristitud elihe lidnas i 18 140 ristitud kaikes lidnümbrikos.

Ortodoksižen hristanuskondan Eläban Eziauguižen Stroican jumalanpert'[1] om letud vll 2002−2014.

Ul'janovskan lidnansauvomižen da oiktusen kolledžan (ende sauvondkolledž) filial[2] om professionaližen opendusen aluzkundaks.

Lidnümbrikon Administracijan pämez' om Svetlana Kosarinova vn 2012 kül'mkuspäi.

Homaičendad[redaktiruida | redaktiruida purde]

  1. Novoul'janovskan pühäpertid sobory.ru-saital. (ven.)
  2. Novoul'janovskan filialad Ul'janovskan lidnansauvomižen da oiktusen kolledžan ulsc.ru-saital. (ven.)

Irdkosketused[redaktiruida | redaktiruida purde]



Ul'janovskan agjan lidnad
Bariš | Dimitrovgrad | Inz | Novoul'janovsk | Sengilei | Ul'janovsk