Bariš (lidn)

Bariš
Барыш
Lidnanznam;	Flag;
Valdkund	Venäma
Eläjiden lugu (2021)	15,408 ristitud
Pind	13,76 km²
Pämez'	Valentina Buligina; (kezaku 2016—)
Telefonkod	+7−84 253-xx-xxx
Avtokod	73, 173
Aigvö	UTC+4 (MSK+1)

Bariš (ven.: Бары́ш) om Venäman lidn da lidnankund Ul'janovskan agjan päivlaskmas. Se om Barišan rajonan administrativine keskuz.

Istorii[vajehta | vajehtada tekst]

Eländpunktan aluz om pandud vl 1925 kahten žilon ühtištusel: Troickoje-Kurse-külä da Marjinan bumagfabrikan radnikžilo. Vn 1954 22. päiväl tal'vkud ühtištuihe Bariš-radnikžilod Gurjevkan vatefabrikan radnikžilonke da anttihe lidnan statusad. Vozil 1975−2008 lidn oli alištunu agjan tobmudele oikti.

Barišan ižandusen päsarakod oma sauvondmaterialiden tegimed (katuzmaterialad, asfal't), tekstil'tegimišt, sömtegimišt (lindferm i Rosrezerv:an lihategim), mugažo mebel'fabrik radab.

Geografijan andmused[vajehta | vajehtada tekst]

Lidn sijadase Volgaveren ülüdel, 200 m ü.m.t. keskmäižel korktusel, seižub Bariš-jogen oiktal randal (Suran oiged ližajogi, Volgan bassein). Matkad Ul'janovskhasai om 139 km pohjoižpäivnouzmha avtol. Lähembaine lidn om Inz 65 km lodeheze avtotedme vai raudtedme.

Bariš om lidnankundan üks'jäine eländpunkt. Rajonan administracii tegeb lidnankundan administracijan velgusidme.

Eläjad[vajehta | vajehtada tekst]

Vl 1959 lidnan eläjiden lugu oli 17 909 ristitud. Kaikiš suremb ristitišt oli 21 900 eläjad vl 1996. Vn 2010 Venäman rahvahanlugemižen mödhe 17 149 ristitud elihe lidnas, rajonan nell' ühesandest.

Ortodoksižen hristanuskondan koume pühäpertid^[1] oma olmas lidnas: Pühän Stroican kafedraline päjumalanpert' lidnan keskuses vspäi 1754 i kaks' jumalanpertid.

Kaks' specialižen keskopendusen aluzkundad oma avaitud: Barišan industrialiž-tehnologine tehnikum^[2] i Barišan kolledž^[3] — Ul'janovskan ekonomikan da oiktusen tehnikuman filial.