Kongon Demokratine Tazovaldkund

Vikipedii
Hüpähtada: navigacii, Ecind
Kongon Demokratine Tazovaldkund
République Démocratique du Congo
 Flag
Flag of the Democratic Republic of the Congo.svg
 Valdkundznam
Coat of arms of the Democratic Republic of the Congo.svg
Pälidn Kinšas
Eläjiden lugu (2013) 77,433,744[1] ristitud
Pind 2,345,410 km²
Kongon Demokratine TazovaldkundRépublique Démocratique du Congo
Kel' francijan
Valdkundan pämez' Žozef Kabila
Päministr Ogüsten Matata Ponjo
Religii hristanuskond
Valüt kongon frank (CDF)
Internet-domen .cd
Telefonkod +243
Aigvö UTC+1...+2
Rahvahan pert'kulu om Kongon Demokratižen Tazovaldkundan parlamentan ištundoiden sija.
Kongon keliden kart.

Kongon Demokratine Tazovaldkund (franc. République Démocratique du Congo), om valdkund Keskafrikas. Sen pälidn om Kinšas. Vl. 2012 kaikiš gollemb valdkund mail'mas Rahvahankeskeižen valütfondan tedoidusen mödhe.

Kongon Demokratine Tazovaldkund om röunoiš Keskafrikan Tazovaldkundan da Suvisudananke pohjoižes, Ugandan, Ruandan, Burundin da Tanzanijanke päivnouzmas, Zambijan da Angolanke suves. Päivlaskmas om 37 km Atlantižen meren randištod.

Valdkundas om üks' oficialine kel' — francijan kel'. Sen ližaks, om 4 muga nimitadud nacionališt kel't: lingala, kongon (kikongo), suahili (kingvan-pagin), luban (čiluba).

Kongon Demokratižen Tazovaldkundan nimi nacionaližil kelil:

  • Republíki ya Kongó Demokratíki (lingala)
  • Repubilika ya Kongo ya Dimokalasi (kongon kel')
  • Jamhuri ya Kidemokrasia ya Kongo (suahili)
  • Ditunga dia Kongu wa Mungalaata (luban kel')

Valdkundan territorii om Kongo-jogen bassein. Pidust' päivnouzmašt röunad seižub korged Ruvenzorin mägisel'g. Kaikiš korktemb valdkundan čokkoim sijadase Ugandan röunal, se om Stenli-mägi, 5109 m meren pindan päl[2]. Üks' kaikiš järedambišpäi Afrikan järviden, Tanganjik-järv, sijadase Tanzanijan röunal. Klimat om ekvatorialine da subekvatorialine paloin. Ekvatorialižed mecad da savannad oma levitadud.

Kongon Demokratine Tazovaldkund om prezidentine tazovaldkund. Valdkundan da ohjastusen pämez' om prezident, kudambad rahvaz valičeb 5 vodeks (toine strok om voimusine). Valdkundan parlament om kaks'kodine. Üläkodi, Senat, mülüb 108 ühtnijoid (heid valitadas agjoiden suimil 5 vodeks). Alakodi, Nacionaline suim, mülüb 500 ristitud (heid kaik rahvaz valitab, mugažo 5 vodeks).

Administrativiž-territorialižikš Kongon Demokratine Tazovaldkund alajagase 11 agjoihe (provincijoihe). Vn. 2005 jäl'ghe niid alajagoihe, linniži 26 agjad uden konstitucijan mödhe, no parlament jäti sidä azjad vahvištoituseta[3].

Kongon Demokratižen Tazovaldkundan järedad lidnad (enamba vai läz 1 mln. rist., 2012[4]): Kinšas, Mbuži Maji, Lubumbaši, Bukavu, Kanang, Kisangani.

Homaičendad[redaktiruida | redigeeri lähteteksti]

  1. Country Rank. Countries and Areas Ranked by Population: 2013. — U.S. Department of Commerce. — Census.gov.
  2. Stenli-mägen korktuz. — Peakbagger.com.
  3. The Constitution of the Democratic Republic of the Congo, 2005.
  4. Congo (Dem. Rep.): largest cities and towns and statistics of their population. — World-gazetteer.com. (angl.)

Irdkosketused[redaktiruida | redigeeri lähteteksti]


Afrikan valdkundad
Afrikan valdkundad
Alžir | Angol | Benin | Botsvan | Burkina Faso | Burundi | Čad | Džibuti | Efiopii | Egipt1 | Ekvatorialine Gvinei | Eritrei | Gabon | Gambii | Gan | Gvinei | Gvinei Bisau | Jemen1 | Kabo Verde | Kamerun | Kenii | Keskafrikan Tazovaldkund | Komoran Sared | Kongon Demokratine Tazovaldkund | Kongon Tazovaldkund | Kot d'Ivuar | Lesoto | Liberii | Livii | Madagaskar | Malavi | Mali | Marok | Mavrikii | Mavritanii | Mozambik | Namibii | Niger | Nigerii | Pohjoižsudan | Ruand | San Tome da Prinsipi | Seišelan Sared | Senegal | Sjerra Leone | Somali | Suviafrikan Tazovaldkund | Suvisudan | Svazilend | Zambii | Zimbabve | Tanzanii | Togo | Tunis | Ugand

1 Om Azijas mugažo.

Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.