Holm (lidn, Venäma)

Vikipedii-späi
Holm
Холм
Lidnanznam
Valdkund Venäma
Eläjiden lugu (2020) 3,359 ristitud
Pind 8,59 km²
Holm Холм
Pämez' Valentina Vitäzeva
(sügüz'ku 2016—)
Telefonkod +7−81 654-xx-xxx
Avtokod 53
Aigvö UTC+3 (MSK+0)


Holm (ven.: Холм) om Venäman lidn da lidnankund Uz'lidnan agjan suvipäivlaskmas. Se om Holman rajonan administrativine keskuz.

Istorii[vajehta | vajehtada tekst]

Eländpunkt seižui torguindteil Mustmerennoks, mainitase ezmäižen kerdan vl 1471 kuti Hol'mov'skii pagast (ven.: Холмовьский погост) Pol'šanman Kazimir IV-kunigahan kožundkirjeižes Uz'lidnanke. Nimitihe korktan kukhan mödhe jogen randal. Posad sai makundan lidnan statusad Pskovan gubernijas vn 1777 3. päiväl elokud. 19. voz'sadal oli tetab sijaližil pramozloil, venehiden da toižiden jogiastjoiden tegmižel.

Äjad pertid oliba muretud täuzin Suren sodan aigan vl 1942, vedihe torategendoid lidnas da sen ümbrištos.

Holm šingotase mecan varhapanendan da ümbriradmižen edheotandoil.

Geografijan andmused[vajehta | vajehtada tekst]

Lidn sijadase Lovat'-jogen randoil (Il'mjärven bassein), 65 m ü.m.t. keskmäižel korktusel, keskuz om oiktal randal. Matkad Surhe Uz'lidnhasai om 150 km pohjoižhe orhal vai 200 km avtotedme. Lähembaine lidn om Toropec (Tverin agj) 78 km suvipäivnouzmha orhal vai 95 km avtol.

Holm om lidnankundan üks'jäine eländpunkt.

Eläjad[vajehta | vajehtada tekst]

Vn 2010 Venäman rahvahanlugemižen mödhe eläjiden lugu oli 3 830 ristitud, rajonan kaks' koumandest. Kaik 3 445 eläjad oli lidnas vl 2017. Kaikiš suremb lidnan ristitišt oli 6 800 eläjad vl 1913, Suren sodan jäl'ghe — 4 849 ristitud vl 1989.

Ortodoksižen hristanuskondan Jumalanmaman Tihvinan jumalaižen pühäpert'[1] om udessündutadud vll 1991−2003 kivižes olendas. Jumalannägundan päjumalanpert' i nell' jumalanpertid oma pandud mantazole.

Professionaližen opendusen aluzkundad ratas lähembaižiš lidnoiš.

Lidnankundan Administracijan jäl'gmäine pämez' om Anatolii Kovalenko (kül'mku 2010 — reduku 2015), nügüd'aigan rajonan Administracii tegeb sen velgusidme.

Homaičendad[vajehta | vajehtada tekst]

  1. Holman pühäpertid sobory.ru-saital. (ven.)

Irdkosketused[vajehta | vajehtada tekst]



Uz'lidnan agjan lidnad
Boroviči | Čudovo | Holm | Okulovk | Pen' Višer | Pestovo | Sol'ci | Sur' Uz'lidn | Valdai | Vanh Russ