Pestovo

Vikipedii-späi
Pestovo
Пестово
 Lidnanznam
 Flag
Valdkund Venäma
Eläjiden lugu (2020) 14,985 ristitud
Pind 15,09 km²
Pestovo Пестово
Pämez' Andrei Gazetov
(reduku 2016—)
Telefonkod +7−8162-xxx-xxx
Avtokod 53
Aigvö UTC+3 (MSK+0)


Lidnan kart

Pestovo (ven.: Песто́во) om Venäman lidn da lidnankund Uz'lidnan agjan päivnouzmaižes čogas. Se om Pestovon rajonan administrativine keskuz.

Istorii[vajehta | vajehtada tekst]

Eländpunktan aluz om pandud vl 1918 kuti raudtestancii jonol Krasnii Holm-lidnaspäi (Tverin agj), nimitihe lähižiden Venälaine Pestovo- i Karjalaine Pestovo-küliden mödhe. Radnikžilo sai lidnan statusad vl 1965.

Pestovo šingotase sirdandpertiden i puižiden keradaipertiden tehmižel, mugažo omblendedheotandoil.

Geografijan andmused[vajehta | vajehtada tekst]

Lidn sijadase Molog-jogen hural randal tobjimalaz (Volgan bassein), 119 m ü.m.t. keskmäižel korktusel. Matkad Surhe Uz'lidnhasai om 263 km päivlaskmha orhal vai 297 km avtotedme, Piterihesai — 360 km lodeheze raudtedme, Moskvhasai — 380 km suvipäivnouzmha raudtedme. Lähembaine lidn om Ustüžn (Vologdan agj) 45 km pohjoižpäivnouzmha orhal vai 50 km avtol.

Pestovo om lidnankundan üks'jäine eländpunkt.

Eläjad[vajehta | vajehtada tekst]

Vn 2010 Venäman rahvahanlugemižen mödhe eläjiden lugu oli 15 903 ristitud, rajonan koume nelländest. Vll 1967−2019 lidnan ristitišt vajehtihe 15..16 tuhad eläjid röunoiš (16 300 rist. vl 2000). Kaik 15 461 eläjad oli lidnas vl 2017.

Ortodoksižen hristanuskondan viž pühäpertid[1] oma saudud lidnas: koume jumalanpertid i kaks' časounäd.

Borovičin sauvondindustrijan da ekonomikan tehnikuman filial om lidnan professionaližen opendusen aluzkundaks.

Galerei[vajehta | vajehtada tekst]

Homaičendad[vajehta | vajehtada tekst]

  1. Pestovon pühäpertid sobory.ru-saital. (ven.)

Irdkosketused[vajehta | vajehtada tekst]



Uz'lidnan agjan lidnad
Boroviči | Čudovo | Holm | Okulovk | Pen' Višer | Pestovo | Sol'ci | Sur' Uz'lidn | Valdai | Vanh Russ