Koroč

Vikipedii
Jump to navigation Jump to search
Koroč
Короча
 Lidnanznam
Coat of Arms of Korocha (Belgorod oblast).svg
 Flag
Flag of Korochansky rayon.svg
Valdkund Venäma
Eläjiden lugu (2017) 5 888 ristitud
Pind 5 km²
Koroč Короча
Pämez' Vasilii Kurganskii
(tal'vku 2 015—)
Telefonkod +7-47 231-xx-xxx
Avtokod 31
Aigvö UTC+3 (MSK+0)


Jumalanmaman Raštvoiden jumalanpert' Koročas (1873).

Koroč (ven.: Короча) om Venäman lidn da lidnankund Belgorodan agjan keskuses. Se om Koročan rajonan administrativine keskuz da üks'jäine lidn.

Istorii[redaktiruida | redaktiruida purde]

Eländpunktan aluz om pandud vl 1637 kuti röunlidnuz i Čoma lidn Koročal (ven.: Красный город на Короче), aigan mändes nimituz lüheni. Koroč sai makundan lidnan statusad vl 1708.

Koroč om maižanduzrajonan keskuseks, šingotase sömtegimišton edheotandoil (järed sigalihakombinat, maidtegim, sömänkombinat pästab olut i mineralvet).

Geografijan andmused[redaktiruida | redaktiruida purde]

Lidn sijadase ühtennimižen jogen (Severskii Doncan bassein) oiktal kukhikahal randal, 150 m ü.m.t. keskmäižel korktusel. Matkad Belgorodan röunhasai om 45 km suvipäivlaskmha avtotedme, keskushesai — 54 km. Lähembaižed lidnad oma Uz' Oskol 52 km päivnouzmha avtol, Šebekino 63 km suvhe avtotedme, Belgorod i Gubkin 68 km pohjoižhe avtotedme.

Puškarnoje- (528 rist. vl 2010) i Belogor'je- (159 rist. vl 2010) žilod mülüdas lidnankundha Koročan ližaks. Lidnankundan pind — 7,93 km². Koroč-lidn röunatab küläeländpunktoidenke: Pogorelovk-žilo (2 218 rist. vl 2010) i Behteevk-žilo (hural randal, 3290 rist. vl 2010).

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 5 877 ristitud, lidnankundan — 6 564 ristitud, rajonan kudendez. Kaikiš suremb lidnan ristitišt oli 15 200 vl 1931, sid' poleni kollektivizacijan, näl'gen i Suren sodan tagut. Vl 2017 kaik 6 621 ristitud elihe lidnankundas.

Koročan maižanduztehnikum[1] om professionaližen opendusen aluzkundaks.

Homaičendad[redaktiruida | redaktiruida purde]

  1. Koročan maižanduztehnikuman sait (korsht.ru). (ven.)

Irdkosketused[redaktiruida | redaktiruida purde]



Belgorodan agjan lidnad
Aleksejevk | Belgorod | Birüč | Graivoron | Gubkin | Koroč | Stroitel' | Šebekino | Uz' Oskol | Valuikad | Vanh Oskol