Stroitel' (lidn)

Stroitel'
Строитель
Valdkund	Venäma
Eläjiden lugu (2021)	23,780 ristitud
Pind	33 km²
Telefonkod	+7−47 244-xx-xxx
Avtokod	31
Aigvö	UTC+3 (MSK+0)

Stroitel' (ven.: Строи́тель) om Venäman lidn Belgorodan agjan päivlaskmas. Se om Jakovlevon ümbrikon (rajonan vll 1965−2018) administrativižeks keskuseks da palaks.

Istorii

Eländpunktan aluz om pandud žilho kukuruzpöudol vl 1958 otmaha kävutamižhe raudkivendon Jakovlevo-löudmižsijad. Žilo sai lidnan statusad Belgorodan agjan Duman pätandan mödhe vn 2000 15. tal'vkud.

Stroitel' šingotase Jakovlevo-kaivuden radol, sauvondmaterialiden edheotandoil (raudbetontegesed, montažezitegesed), mugažo lihanümbriradai tegim radab. Lidnalaižiden znamasine pala radab Belgorodas.

Geografijan andmused

Lidn sijadase ümbrikon keskuzpalan suves, Vorskl-jogen hural randpolel (Dnepran bassein), 220 m ü.m.t. keskmäižel korktusel.

Matkad Belgorodan röunhasai om kümne kilometrad suvhe avtotedme, keskuzpalhasai — 21 km. Raudten lopstancii radab ajamha jüguid vaiše.

Tobmuz

Vll 2004−2018 Stroitelin lidnankund oli olmas. Kaik koume pen't futorad mülüiba lidnankundha Stroitelin ližaks. Lidnankundan pind oli 34,7 km².

Vasilii Nesterov radoi enččen lidnankundan tobmuden pämehen (2003−2004, 2007−2010, vn 2016 semendkuspäi).

Eläjad

Vn 2010 Venäman rahvahanlugemižen mödhe lidnan eläjiden lugu oli 23 933 ristitud, lidnankundan — 24 304 ristitud, rajonan kaks' videndest, vn 2021 lidnan — 23 780 ristitud. Kaik 24 526 eläjad oli lidnas vl 2017, se ristitišt oli kaikiš suremb kaikes aigas. Sil-žo vodel kaik 24 914 ristitud elihe lidnankundas.

Ortodoksižen hristanuskondan koume pühäpertid^[1] oma saudud lidnas: Sündun Sretenjan jumalanpert' (1993), Belgorodan uziden moknikoiden da hengenavaidusen kundlijoiden jumalanpert' (saudihe vll 2003−2011) i ph. Jurgii-vägestusenkandajan časoun' (2002). Nellänz' pühäpert' ph. Mikulai-čudonsädajan oiktastuseks om sauvomižes udel kaumžomal vspäi 2025. Protestantizman koume pühäpertid oma letud: baptizman, seičemenden päivän adventistoiden, evangelijan ripmatoman jumalankodikundan Blagodat' -pühäpert'.

Openduz

Lapsiden opendusen aluzkundad oma seičeme nimitadud päivkodid, koume keskškolad (nomer 1..3), lapsiden sädamižen pert', čomamahtoiden škol, olimpižen varan sportškol.

Professionaližen opendusen aluzkundad oma Jakovlevon politehnine tehnikum^[2] i Jakovlevon pedagogine kolledž^[3].

Homaičendad

Irdkosketused

Lidnan da Jakovlevon ümbrikon tobmuden sait (yakovgo.gosuslugi.ru). (ven.)

	Belgorodan agjan lidnad
	Aleksejevk \| Belgorod \| Birüč \| Graivoron \| Gubkin \| Koroč \| Stroitel' \| Šebekino \| Uz' Oskol \| Valuikad \| Vanh Oskol

[1] Stroitel'-lidnan pühäpertid sobory.ru-saital. (ven.)

[2] Jakovlevon politehnižen tehnikuman sait (yapolitech.ru). (ven.)

[3] Jakovlevon pedkolledžan sait (yapk87.ru). (ven.)

[1]

[2]

[3]