Kudmaine

Vikipedii-späi
Kudmaine
Kudmaižen geologine kart (2022), masštab 1:2 500 000

Kudmaine (latin.: Luna) om Man üks'jäine londuseline kaimdai. Sen astronomine znam om ☾.

Lähembaine Päiväižennoks planetan kaimdai, sikš miše ei ole kaimdajad Merkurijal i Veneral. Kahtenz' objekt taivhas Päiväižen jäl'ghe loštabusen (kudmavauktuz) i nägujan suruden mödhe, sen form om ku. Päiväižen sisteman videnz' surtte planetan kaimdai. Keskmäine distancii Man i Kudmaižen keskusiš — 384 467 km (läz 30 Man diametrad), ned sätas kaks'planetanvuittušt sistemad. Üks'jäine astronomine objekt, kus ristit mäni.

Päandmused[vajehta | vajehtada tekst]

Minimaline keskust Man i Kudmaižen keskes oleskeleb 363 104 km, kaikiš pidemb — 405 696 km. Kudmaižen keskmäine diametr om 3474,2 km. Pind — 37,93 mln km², vai 0,074 Man pindan rindataden. Ekvatoran piduz — 10 917 km. Mass — 7,3477 · 1022 kg (Man massan 1/81). Keskmäine ninevuz — 3,3464 g/sm³. Joudjaližen lanktendan pigustuz — 1,62 m/s² vai 0,165g. Lämuz ekvatoral: minimaline −173 C° (100 K), keskmäine −53 C° (220 K), kaikiš suremb — +117 C° (390 K). Kivisuguiden lämuz üks' metr süvüdel om kaikenaigaine, se om −35 C°. Läz ei ole atmosferad, sen sijas om vezinikan, gelijan, neonan i argonan jäl'gid.

Kudmaižen pind om kattud regolital, se om henon pölün i kall'oiden palliškoiden segoituz i sädase meteoritoiden lanktendoišpäi. Regolitan sanktuz om metran paloišpäi severzihe-se kümenikoihe metrhasai.

Kudmaižen fazad: ližaku vai üläku (ezmäine nelländez), täuz'kudan' (täuz', ünäine kudmaine), alaku, uz' ku.

Kudmaižhe sidodud vepsän muštatiž i ozoitez[vajehta | vajehtada tekst]

Muštatiž[vajehta | vajehtada tekst]

  • Udele kudmaižele uded säd-ki.

Ozoitez[vajehta | vajehtada tekst]

  • Kehker ku kudmaine, viher ku vast. (nagriž)

Kacu mugažo[vajehta | vajehtada tekst]

Homaičendad[vajehta | vajehtada tekst]