Nändom

Vikipedii
Hüpähtada: navigacii, Ecind
Nändom
Няндома
Valdkund Venäma
Eläjiden lugu (2017) 20 143 ristitud
Pind 21 km²
NändomНяндома
Pämez' Aleksandr Grigor'jev (2 015—)
Telefonkod +7-81 838-xx-xxx
Avtokod 29
Aigvö UTC+3 (MSK+0)


Nändom (ven.: Няндома) om Venäman lidn Arhangel'skan agjan suvipäivlaskmas. Se om Nändoman rajonan administrativine keskuz (vspäi 1929) da üks'jäine lidn. Om municipaližen «Nändom»-ühtnikan (lidnankundan) keskuz. Rajonan ristitišton koume nelländest elädas Nändom-lidnas.

Istorii[redaktiruida | redaktiruida purde]

Eländpunktan aluz om pandud vl 1895 kuti Nändom-raudtestancii VologdArhangel'sk raudtel, om nimitadud lähižen jogen mödhe. Vl 1910 sur' lämoipalo tegihe raudtestancijan žilos. Vl 1923 raudtestancijad ühtištuihe lähižen Šenkurskii-žilonke da nimitadihe Nändom-žiloks. Vl 1939 radnikžilole anttihe lidnan statusad.

Vhesai 1917 Nändom mülüi Oloncan gubernijan Kargopolin makundha, vozil 1917-1929 mülüi Vologdan gubernijha.

Geografijan andmused[redaktiruida | redaktiruida purde]

Lidn sijadase ühtennimižen jogen randpolel (Änižjogen bassein), Nändoman ülüden pohjoižel, 220 m keskmäižel korktusel valdmeren pindan päl. Matkad Arhangel'skhasai om 342 km pohjoižhe.

Kaik 18 eländpunktad — 3 pen't žilod, 2 mecžilod, 3 raudtestancijad, 8 küläd, raudtesarak da lebun kodi — mülüdas lidnankundha Nändoman ližaks. Lidnankundan pind om 2501,16 km².

Eläjad[redaktiruida | redaktiruida purde]

Vl 1959 eläjiden lugu oli 21 668 ristitud. Vn 2010 Venäman rahvahanlugemižen mödhe lidnan eläjiden lugu oli 22 356 ristitud, lidnankundan — 23 878 ristitud. Vl 2017 21 409 eläjad om lidnankundas. Ortodoksižen hristanuskondan kaks' jumalanpertid om Nändomas.

Ižanduz da transport[redaktiruida | redaktiruida purde]

Ižandusen päsarakod oma raudtetransportan kävutand i kohenduz, mecan ümbriradmine.

Kaks' specialižen keskopendusen aluzkundad om lidnas: raudtetransportan kolledž i medicinine škol.

Ühtennimine raudtestancii om KonošArhangel'sk raudtel. Dolmatovo (läz M8) — Kargopol'Pudož avtote (Р2) läbitab lidnad päivnouzmaspäi suvipäivlaskmha. Kaks' Pohjoižen raudten sured depod om lidnas.

Irdkosketused[redaktiruida | redaktiruida purde]



Arhangel'skan agjan lidnad
Arhangel'sk | Kargopol' | Koräžm | Kotlas | Mezen' | Mirnii | Nar'jan Mar | Novodvinsk | Nändom | Oneg | Severodvinsk | Sol'vičegodsk | Šenkursk | Vel'sk