Sol'vičegodsk

Sol'vičegodsk
Сольвычегодск
	Lidnanznam;
Valdkund	Venäma
Eläjiden lugu (2020)	1,875 ristitud
Pind	8 km²
Pämez'	Andrei Sergejev; (2012—)
Telefonkod	+7−81 837-xx-xxx
Avtokod	29
Aigvö	UTC+3 (MSK+0)

Sol'vičegodsk (ven.: Сольвычего́дск) om Venäman lidn da kurort Arhangel'skan agjan suvipäivnouzmas, Kotlasan rajonas. Se om municipaližen «Sol'vičegodskoje»-ühtnikan (lidnankundan) administrativine keskuz.

Istorii[vajehta | vajehtada lähte]

Eländpunktan eläjad mainitasoiš ezmäižen kerdan Sinodan aigkirjas kuti mehed Usol'jespäi vl 1492. Möhemba nimitihe Usol'sk i Vičegdan Sol (ven.: Соль-Вычегодская). Vl 1796 sai makundan lidnan statusad nügüdläiženke nimenke.

Sol'vičegodskan ižandusen päsarak om turizm (istorine lidn i vezikurort), mugažo turbhan briketiruindan tegim om olmas.

Geografijan andmused[vajehta | vajehtada lähte]

Lidn sijadase Vičegd-jogen oiktal randal, 70 m ü.m.t. keskmäižel korktusel. Matkad Kotlashasai om 17 km suvipäivlaskmha orhal vai 35 km avtotedme, Arhangel'skhasai — 480 km lodeheze orhal vai 635 km avtotedme. Lähembaine lidn om Koräžm 12 km päivnouzmha. Sol'vičegodsk-raudtestancii sijadase lidnanvuiččes Vičegodskii-žilos 12 km suvhe orhal.

Kaik 93 eländpunktad mülüdas lidnankundha Sol'vičegodskan ližaks. Lidnankundan pind om 2190,73 nellikkilometrad.

Eläjad[vajehta | vajehtada lähte]

Vn 2010 Venäman rahvahanlugemižen mödhe lidnan eläjiden lugu oli 2 460 ristitud, rajonan ristitišton kümnendez, lidnankundan — 5 064 ristitud. Vspäi 1856 kaikiš suremb lidnan ristitišt oli läz nelläd tuhad eläjid vozil 1970−2001 (4 094 rist. vl 1979). Vl 2017 lidnan ristitišt oli 2 098 eläjad, lidnankundan 4 269 eläjad.

Ortodoksižen hristanuskondan seičeme pühäpertid^[1] oma kaičenus lidnas: Pühän Jumalanmaman Blagoveššenjan päjumalanpert', Pühän Jumalanmaman Tulendan Pühäpertihe päjumalanpert', kaks' jumalanpertid, koume časounäd, niiden keskes Stroganovad-torgovanoiden. Kaik ühesa jumalanpertid oma kadonuded.

Kotlasan transportan tehnikum^[2] om lähembaine profopendusen aluzkund, radab Vičegodskii-žilos. Vll 1927−1956 pedagogine tehnikum oli Sol'vičegodskas.

Galerei[vajehta | vajehtada lähte]

Čuhunduz solpurtken päl (2015)
Blagoveššenjan päjumalanpert', vn 2015 nägu
Lämoipalonvastaine avto (2012)
Sodamehiden olendan pert' (2021)
Jogivaldmad (2009)

Homaičendad[vajehta | vajehtada lähte]

Irdkosketused[vajehta | vajehtada lähte]

Lidnankundan tobmuden aluzkundoiden oficialine sait (мосольвычегодское.рф). (ven.)

Sol'vičegodsk Vikiaitas

	Arhangel'skan agjan lidnad
	Arhangel'sk \| Kargopol' \| Koräžm \| Kotlas \| Mezen' \| Mirnii \| Nar'jan Mar \| Novodvinsk \| Nändom \| Oneg \| Severodvinsk \| Sol'vičegodsk \| Šenkursk \| Vel'sk

[1] Sol'vičegodskan pühäpertid sobory.ru-saital. (ven.)

[2] Kotlasan transportan tehnikuman sait (gbou-ktt.nubex.ru). (ven.)

[1]

[2]