Severodvinsk

Severodvinsk
Северодвинск
Lidnanznam;	Flag;
Valdkund	Venäma
Eläjiden lugu (2019-01-01)	182,291 ristitud
Pind	120,51 km²
Pämez'	Igor' Skubenko; (sügüz'ku 2017—)
Telefonkod	+7−8184-xxx-xxx
Avtokod	29
Aigvö	UTC+3 (MSK+0)

Lidnan fotokuva Man kaimdajaspäi, 2005

Počtmark ezmäiženke nevondkundaliženke atomvedenalaiženke «Leninan komsomol»-laivanke

Severodvinsk (ven.: Северодвинск, vozil 1938−1957 oli Molotovsk-nimenke) om Venäman lidn da lidnümbrik Arhangel'skan agjan pohjoižes, Venäman atomlaivansauvomižen keskuz. Se om agjan kahtenz' surtte lidn, alištub sen tobmudele oikti.

Istorii[redaktiruida | redaktiruida purde]

Eländpunktan aluz om pandud vl 1936 kuti Sudostroi-radnikžilo. Vn 1938 se sai lidnan statusad. Toižen mail'man sodan aigan lidnan meriport oli sanu abud amerikalaižišpäi lend-lizan mödhe.

Geografijan andmused[redaktiruida | redaktiruida purde]

Severodvinsk sijadase Vauktan meren randal, 7 m ü.m.t. keskmäižel korktusel, läz Pohjoižen Dvinan Nikol'skii-jogensud. Om 35 km matkad lodehližhe polehe lähembaižes Arhangel'sk-lidnaspäi. Voden keskmäine lämuz om +1,3 C°.

Municipaližen «Severodvinsk»-ühtnikan pind om 119 349 gektarad, läheližed eländpunktad (10 lugul: 4 žilod, 6 küläd, läz tuhad eläjid) mülüihe sihe, niita — 12 051 gektarad.^[1]

Eläjad[redaktiruida | redaktiruida purde]

Vl 1939 lidnan ristitišt oli 21 tuhad eläjid, vl 1959 — 78 657 eläjad. Vn 2010 Venäman rahvahanlugemižen mödhe lidnan eläjiden lugu oli 192 353 ristitud^[2], lidnümbrikon — 193 697 ristitud. Kaikiš suremb lidnan ristitišt oli 255 tuhad ristituid vl 1990. Kaik 183 284 eläjad oli lidnümbrikos vl 2019.

Rahvahad (2010): venälaižed — 96,3%, ukrainalaižed — 1,7%, toižed rahvahad — 2,0%.

Galerei[redaktiruida | redaktiruida purde]

Lidnan administracijan pert'
Jumalanmaman Vladimiran jumalaižen pühäpert' (2019, om saudud vodele 2008)
Laivansauvomižen «Sevmaš»- (huralpäi) i «Zvözdočka»- (oiktal randal) edheotandad vl 2007
Sauvondan, dizainan i tehnologijoiden tehnikum, vn 2013 nägu
Universaline keskuzlauk, 2009

Sebruzlidnad[redaktiruida | redaktiruida purde]

Om 20 aktad ühthižtöiš Venäman municipaližidenke ühtnikoidenke, sen ližaks om viž verazmašt lidnad^[3]:

Sebruzlidn

Vaugedvenäma Mozir', Vaugedvenäma (vspäi 2003)^[4]

Lidnad-partnörad

Vaugedvenäma Minsk, Vaugedvenäma (vspäi 2004)
Saksanma Noištadt-in-Hol'štain, Šlezvig-Gol'štein, Saksanma (2008)
Ukrain Sumad, Ukrain (2004)
Dnestranrand Tiraspol', Dnestranrand, Moldov (2003)

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Severodvinsk Vikiaitas

	Arhangel'skan agjan lidnad
	Arhangel'sk \| Kargopol' \| Koräžm \| Kotlas \| Mezen' \| Mirnii \| Nar'jan Mar \| Novodvinsk \| Nändom \| Oneg \| Severodvinsk \| Sol'vičegodsk \| Šenkursk \| Vel'sk

[1] Severodvinskan šingotezstrategijan zavodindan met da sen sädandan päižed haškused. — Citystrategy.leontief.ru. (ven.)

[2] Arhangel'skan agjan municipaližiden ühtnikoiden da eländpunktoiden ristitišton lugumär vn 2010 Venäman rahvahanlugemižen mödhe (arhangelskstat.gks.ru). — 100 lpp. — Lp. 2. (ven.)

[3] Regionidenkeskeižed kontaktad da šefsidod. — Severodvinskan administracii (severodvinsk.info). (ven.)

[4] Severodvinsk da Mozir' lindäs sebruzlidnoikš / 9. tal'vku 2003, Afn.by (Vaugedvenäman uzištused). (ven.)

[1]

[2]

[3]

[4]