Räzanin Spassk

Räzanin Spassk
Спасск-Рязанский

Lidnanznam	Flag
Valdkund	Venäma
Eläjiden lugu (2023)	5,705 ristitud
Pind	16,8 km²
Pämez'	Tat'jana Belova (tal'vku 2019—, velgusentäutai)
Telefonkod	+7−49 135-xx-xxx
Avtokod	62
Aigvö	UTC+3 (MSK+0)

Räzanin Spassk (ven.: Спа́сск-Ряза́нский) om Venäman lidn da lidnankund Räzanin agjan keskuzpalas. Se om Spasskan rajonan administrativine keskuz.

Istorii

Eländpunktan aluz om pandud 15. voz'sadal kuti Spasskoje-žilo Sündun Jogentagaižennno mez'jumalankodinno (läz 1483. vot — 1764). Anttihe makundan lidnan statusad vl 1778 Spassk-nimenke. Nügüdläine nimituz om olmas vspäi 1929, no taholine lühüd paginnimi om Spassk tähäsai.

Räzanin Spassk šingotase nahkantegimel, sömtegimištol (maidtegim, leibänkombinat), omblendan i metalltegesiden fabrikal, mugažo meblintegimel.

Geografijan andmused

Spasskan rajonan sijaduz agjas vn 2010 kartal

Lidn sijadase rajonan suvipäivlaskmas, Okan hural randal, 100 m ü.m.t. keskmäižel korktusel. Vanh Räzan' oli olmas vastrandal, istorine arheologine kel'dtaho nügüd'.

Matkad Räzanihesai om nell'kümne kahesa kilometrad lodeheze orhal vai 58 km avtotel, se-žo lidn om lähembaižeks.

Tobmuz

Räzanin Spassk om lidnankundan üks'jäižeks eländpunktaks. Lidnankundan pind — 16,8 km².

Eläjad

Vl 1897 lidnan ristitišt oli 4 800 eläjad, vl 1939 — 7 341 eläjad. Vn 2010 Venäman rahvahanlugemižen mödhe lidnan eläjiden lugu oli 7 745 ristitud, rajonan nelländez, vn 2021 — 5 796 ristitud. Kaik 6 555 eläjad oli lidnas vl 2017. Kaikiš suremb lidnan ristitišt oli 8..9 tuhad eläjid vll 1970−2007 (9 835 rist. vl 1989).

Rahvahad (2010): venälaižed — 97,0 %, ukrainalaižed — 1,1 %, toižed rahvahad — 1,9 %.

Rahvahad (enamba 0,4 % vl 2021): venälaižed — 89,2 %, armenijalaižed — 0,5 %, ukrainalaižed — 0,5 %, toižed rahvahad — 1,9 %, rahvahuden ozutandata — 7,9 %.

Ortodoksižen hristanuskondan kaks' jumalanpertid oma kaičenus i saudud lidnas.

Lapsiden opendusen aluzkundad oma kaks' päivkodid (nomer 1 i Solniško «Päiväine»), keskškol, gimnazii, lapsiden sädamižen pert', čomamahtoiden škol, Jevpatii Kolovrat-sportškol. Spasskan politehnine tehnikum om lidnan professionaližen opendusen aluzkundaks.

Galerei

• 
  Sündun Voznesenjan puine jumalanpert', vn 2010 nägu
• 
  Pullosild Okas päliči (2012)
• 
  Muštnik sodamehile lidnan keskuzpalas vl 2010

Irdkosketused

• Lidnan da rajonan tobmuden aluzkundoiden sait (spassk.ryazangov.ru) (ven.) i sen vanh versii (spassk-rzn.ru).