Spas-Klepiki

Spas-Klepiki
Спас-Клепики

Lidnanznam	Flag
Valdkund	Venäma
Eläjiden lugu (2023)	4,591 ristitud
Pind	6 km²
Pämez'	Galina Ciganova (reduku 2016—)
Telefonkod	+7−49 142-xx-xxx
Avtokod	62
Aigvö	UTC+3 (MSK+0)

Spas-Klepiki (ven.: Спас-Кле́пики, pagin. lühenduz Клепики) om Venäman lidn da lidnankund Räzanin agjan pohjoižes. Se om Klepikin rajonan administrativine keskuz.

Istorii

Eländpunkt om olmas 16. voz'sadaspäi, mainitase ezmäižen kerdan vl 1619 kuti Klepikovo-žilo. Nimituz libub kalan puhtastandan veičen venäkel'žes клепик-nimespäi. Šingotihe kangazfabrikal 18. voz'sadaspäi. Sai tošt Spasskoje-nimitust Spasan Toižetamižen jumalanpertin sauvondan jäl'ghe vl 1859 (paloi vl 2017). Nügüdläine nimituz om olmas 20. voz'sadan augotišespäi. Torgovanoiden pertišt om kaičenus hüvin.

Anttihe makundan lidnan statusad vl 1920. Kaidraižuine raudte («Meščoran magistral'») ühtenzoiti Räzaninke i Vladimiranke vll 1901−2011, rušihe ten palad läz lidnad vl 1999, se i stancijan sauvuz eile rados.

Spas-Klepiki šingotase tekstil'tegimištol (trikotažfabrik, omblendfabrik, vatanfabrik), kengiden edheotandal, santehnikan šlangiden tehmižel, Räzanin «Täžpressmaš»-tegimen filial.

Geografijan andmused

Klepikin rajonan sijaduz agjas vn 2010 kartal

Lidn sijadase rajonan päivlaskmas, Pranjogen hural randal (ven.: Пра 167 km pitte, Okan hura ližajogi), 110 m ü.m.t. keskmäižel korktusel. Sovk-jogi (ven. Совка 23 km pitte) om lidnan päivlaskmaižeks röunaks i lankteb Praha Klepikin suves. Rahvahaližen puišton londuseližiden järviden čep' zavodiše koumes kilometras pohjoižhe lidnaspäi.

Matkad Moskvan agjhasai om vižtoštkümne kilometrad lodeheze orhal, Vladimiran agjhasai — 22 km pohjoižpäivnouzmha orhal. Matkad Räzanihesai om 62 km suvipäivlaskmha orhal vai 75 km avtotel. Lähembaine lidn om Kurlovo (raudtestancii, Vladimiran agj) 45 km pohjoižpäivnouzmha orhal vai 67 km avtotedme.

Tobmuz

Kaik kahesa küläd mülüdas lidnankundha Spas-Klepikin ližaks. Lidnankundan pind — 7,64 km².

Lidnan Administracii om likvidiruidud vn 2012 sulakus, rajonan Administracii tegeb sen velgusidme.

Eläjad

Vl 1897 lidnan ristitišt oli 1 327 eläjad, vl 1939 — 3 657 eläjad. Vn 2010 Venäman rahvahanlugemižen mödhe lidnan eläjiden lugu oli 5 916 ristitud, lidnankundan — 6 394 ristitud, rajonan nelländez, vn 2021 lidnan — 4 743 ristitud. Kaik 5 411 ristitud elihe lidnas i 5 874 ristitud kaikes lidnankundas vl 2017. Kaikiš suremb lidnan ristitišt oli enamba seičemed tuhad eläjid vll 1979−1998 (7 209 rist. vl 1989).

Rahvahad (2010): venälaižed — 96,8 %, toižed rahvahad — 3,2 %.

Ortodoksižen hristanuskondan kaks' jumalanpertid oma kaičenus i saudud lidnas.

Lapsiden opendusen aluzkundad oma kaks' päivkodid (nomer 2 i 3), keskškol (nomer 1), čomamahtoiden škol, Triumf-sportškol. Klepikin tehnologine tehnikum om lidnan professionaližen opendusen aluzkundaks.

Galerei

• 
  Lidnan da rajonan administracijan pert' (2010)
• 
  Ph. Mikulai-čudonsädajan jumalanpert', vn 2015 nägu (om saudud vll 1838−1842)
• 
  Rahvahaližen «Meščorskii»-puišton znam vl 2010
• 
  Vägimehiden allei (2013)
• 
  Endevanh arhitektur vl 2010

Irdkosketused

• Lidnan da rajonan tobmuden aluzkundoiden sait (klepikovskiy.ryazan.gov.ru). (ven.)
• Lidnan i rajonan informacine sait (klepiki.ru). (ven.)