Sasovo

Sasovo
Сасово
Lidnanznam;	Flag;
Valdkund	Venäma
Eläjiden lugu (2019-01-01)	24 523 ristitud
Pind	23,79 km²
Pämez'	Sergei Dzüba; (keväz'ku 2 008—)
Telefonkod	+7-49 133-xx-xxx
Avtokod	62
Aigvö	UTC+3 (MSK+0)

Sasovo (ven.: Са́сово) om Venäman lidn da lidnümbrik Räzanin agjan päivnouzmas. Se om agjan nellänz' lidn eläjiden lugun mödhe, om Sasovon rajonan administrativižeks keskuseks mugažo, ei ole rajonan palaks.

Istorii[redaktiruida | redaktiruida purde]

Eländpunktan aluz om pandud 16. voz'sadan keskes. Mainitase ezmäižen kerdan Šackan makundan aigkirjas vl 1617. Nimituz libub hristianižen Sasonii-nimen Sas-lühendusespäi i türkižen sas / saz-sanaspäi «sokaz tahond», lidnan totaran nimi om Саз. Šingotihe kervačuiden da noroiden tehmižel laivoiden täht. Oli torgovanoiden lidnaks 19. voz'sadal. Raudte tuli žilho Räzanišpäi vl 1893. Sai lidnan statusad vn 1926 19. päiväl kezakud.

Sasovo šingotase mašinansauvomižel (takermpuiden tegim^[1] i maižanduzmašinoiden tegim), sömtegimištol (maidtegim, leibtegim, villän varažom), raudten edheotandoil, mugažo omblendfabrik i «Yandex»-kompanijan datakeskuz ratas lidnas.

Geografijan andmused[redaktiruida | redaktiruida purde]

Lidn sijadase rajonan keskuzpalan päivlaskmas, Cnanjogen alajoksmusen hural randal päpaloin (ven.: Цна 451 km pitte, Okan oigedpol'ne bassein), 105 m ü.m.t. keskmäižel korktusel. Avialidnut lendimportanke oma saudud Cnan oiktal randal. Matkad Räzanihesai om 144 km päivlaskmha orhal, 200 km avtotel vai 174 km raudtel. Lähembaine lidn om Šack 39 km suvhe-suvipäivlaskmha orhal vai 42 km avtotedme. Raudte om lidnan suviröunaks, Sasovo-raudtestancii radab läz lidnan keskuzpalad. «Kasimov — Šack»-avtokeskust läbitab lidnad, ümbärte om sauvomas päivlaskmha lidnaspäi.

Sasovo om lidnümbrikon üks'jäine eländpunkt. Lidnümbrikon pind — 23,79 km².

Eläjad[redaktiruida | redaktiruida purde]

Vl 1894 žilon ristitišt oli 6 500 eläjad, lidnan vl 1939 — 17 099 eläjad. Vn 2010 Venäman rahvahanlugemižen mödhe lidnan eläjiden lugu oli 28 118 ristitud. Kaikiš suremb lidnan ristitišt oli 34..35 tuhad eläjid vll 1989−1998 (35 875 rist. vl 1989).

Rahvahad (2010): venälaižed — 94,4%, totarlaižed — 2,0%, toižed rahvahad — 3,6%. Ortodoksižen hristanuskondan Jumalanmaman Kazanin jumalaižen päjumalanpert' (om saudud vl 1826), koume jumalanpertid i kaks' časounäd^[2] oma olmas lidnas.

Professionaližen opendusen aluzkundad oma Sasovon civiližen aviacijan lendandškol^[3] (aluz om pandud vl 1943) i Sasovon industrialine kolledž^[4].

Galerei[redaktiruida | redaktiruida purde]

Znam lidnan röunal
Jumalanmaman Kazanin jumalaižen päjumalanpert'
(vn 2018 nägu)
Avtomatjonoiden tegim
Aviacijan profškolan lendimport
Raudtestancii vl 2009

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnümbrikon tobmuden aluzkundoiden sait (sasovogorod.ryazangov.ru). (ven.)

Sasovo Vikiaitas

	Räzanin agjan lidnad
	Kasimov \| Korablino \| Mihailov \| Novomičurinsk \| Ribnoje \| Räzan' \| Räzanin Spassk \| Räžsk \| Sasovo \| Skopin \| Spas-Klepiki \| Šack

[1] Avtomatjonoiden tegimen sait (sasta.ru). (ven.)

[2] Sasovon pühäpertid sobory.ru-saital. (ven.)

[3] Sasovon civiližen aviacijan lendandškolan sait (sasovoavia.ru). (ven.)

[4] Sasovon industrialižen kolledžan sait (techind.ru). (ven.)

[1]

[2]

[3]

[4]