Kurlovo

Kurlovo
Курлово

Lidnanznam	Flag
Valdkund	Venäma
Eläjiden lugu (2021)	5,639 ristitud
Pind	6,14 km²
Pämez'	Lüdmila Hairulova (reduku 2020—)
Telefonkod	+7−49 241-xx-xxx
Avtokod	33
Aigvö	UTC+3 (MSK+0)

Kurlovo (ven.: Ку́рлово) om Venäman lidn Vladimiran agjan suves. Mülüb Gus' Hrustal'nijan rajonha lidnankundaks, sen üks'jäine lidn.

Istorii

Eländpunktan aluz om pandud vl 1811 kuti Kurlivo-žilo (ven.: посёлок Курлыво) läz stöklantegint. Kurlivo kändihe Kurlovskii-radnikžiloks (ven. Ку́рловский) vl 1927. Lidnanvuitte žilo sai lidnan statusad vn 1998 semendkus nügüdläiženke nimenke.

Kurlovon ižandusen päsarakod oma stökoltegesiden pästand (astjad, lagilampad) da mecan ümbriradmine. Ühtennimine raudtestancii om olmas vspäi 1893, se sijadase «Vladimir — Tumskai (Räzanin agj)»-raudtekeskustal.

Geografijan andmused

Lidn sijadase Meščoran alangištos, 130 m ü.m.t. keskmäižel korktusel. Matkad Vladimirhasai om 81 km pohjoižhe, lähembaižhe Gus' Hrustal'nii-lidnhasai om 18 km pohjoižhe.

Kurlovo om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 6 764 ristitud, rajonan ristitišton kudendez. Kaikiš suremb ristitišt oli 8 664 eläjad vl 1970.

Ortodoksižen hristanuskondan üks'jäine ph. Serafim Sarovalaižen puine pühäpert' om saudud lidnas vll 1991−1999.

Lähembaižed professionaližen opendusen aluzkundad sijadasoiš Gus' Hrustal'nijas, lidnad ühtenzoittas reisavtobusoil.

Edeline lidnan pämez' (municipaližen Kurlovo-lidn-ühtnikan pämez') om Andrei Tiškov (kül'mku 2015 — reduku 2020). Lidnan Administracijan pämez' om Andrei Vidumkin vn 2021 vilukuspäi.

Irdkosketused

• Lidnan tobmuden aluzkundoiden sait (kurlovo-city.ru). (ven.)