Gorohovec

Gorohovec
Гороховец

Lidnanznam	Flag
Valdkund	Venäma
Eläjiden lugu (2021)	12,617 ristitud
Pind	14,75 km²
Pämez'	Jelena Babkina (reduku 2020—)
Telefonkod	+7−49 238-xx-xxx
Aigvö	UTC+3

Gorohovec (ven.: Горохове́ц) om Venäman lidn Vladimiran agjan päivnouzmas. Lidn om Gorohovecan rajonan administrativine keskuz, mülüb sihe lidnankundaks.

Istorii

Eländpunktan aluz om pandud vl 1168 lidnuseks Vladimiran da Suzdalin ruhtinazkundan röunal tehmaha londoid Volgan Bulgarijha. Se mainitase ezmäižen kerdan Lavrentijan aigkirjas vl 1239 kuti Pühän Jumalanmaman lidn, kudambad anastajad poltiba. Edel socializman aigad lidnan metallanradoiden mastarid burlakoičiba valdkundadme, äi raudtesildoid om saudud heiden ühtnendanke.

Gorohovecan tegimišton edheotandad oma libutimiden da konvejeroiden tegim, stökoltegim, lihakombinat. Mecan i metallan ümbriradmižen cehad oma Gorohovecan kolledžan bazaks (Väznikan tehniž-ekonomižen kolledžan filial). 20. voz'sadal laivansauvomižen tegim oli olmas (3500 radnikad oleskeli). Kaikiš järedamb Evropas Gorohovecan artillerine poligon sijadase päivnouzmha lidnaspäi, agjoiden röunal.

Geografijan andmused

Lidnan sijaduz rajonas i agjas vn 2006 kartal

Lidn sijadase rajonan pohjoižpalas, Kläz'man oiktal randal, 80 m keskmäižel korktusel valdmeren pindan päl.

Matkad Vladimirhasai om 157 km päivlaskmha «Volg»-avtotedme (M7). Gorohovec-raudtestancii sijadase üks'toštkümnes kilometras suvipäivnouzmha lidnaspäi «Kovrov — Alauz'lidn»-raudtekeskustal, radab vspäi 1862.

Tobmuz

Gorohovec om lidnankundan üks'jäižeks eländpunktaks. Lidnfartaliden pind om 13 km², kaiken municipalitetan — 14,75 km².

Edeline lidnankundan pämez' (Nevondkundan ezimez') om Jelena Romanova (sügüz'ku 2015 — reduku 2020). Lidnankundan Administracii om likvidiruidud vn 2020 redukule, Nina Beläkova radoi sen jäl'gmäižen pämehen vn 2015 redukuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 14 016 ristitud, rajonan ristitišton koume videndest. Kaikiš suremb lidnan ristitišt oli 16 600 eläjad vl 1992.

Ortodoksižen hristanuskondan nell'toštkümne pühäpertid oma kaičenus lidnas: kaks' päjumalanpertid, seičeme jumalanpertid i viž časounäd. Koume jumalankodid (17. voz'sada) da Blagoveščenjan päjumalanpert' (1700) vedatadas turistoid, vl 2017 Gorohovec tuli UNESCO:n Mail'man jäl'gusen ezinimikirjuteshe. 1900-nziden voziden erižpertid čomitadas lidnad, ned oma puspäi Evropan modern-stilinke.

Lapsiden opendusen aluzkundad oma päivkodid, keskškolad.

Galerei

• 
  Lidnan tobmuden sauvuz (2009)
• 
  Pühän Stroican Nikol'skii-mez'jumalankodi, vn 2019 nägu
• 
  Sretenjen naižjumalankodi lidnan keskuztorgul, vn 2009 nägu
• 
  Gorohovecan rajonan keskuzläžundkodi (2021)
• 
  Gorohovec-raudtestancii Velikovo-küläs vl 2019

Irdkosketused

• Lidnan da rajonan tobmuden aluzkundoiden oficialine sait (gorohovec.ru). (ven.)
• Lidnan turistine sait (gorokhovets.ru). (ven.)