Kosterövo
Lidnanznam
|
Flag
|
| Valdkund | Venäma |
| Eläjiden lugu (2021) | 7,997 ristitud |
| Pind | 14,33 km² |
| |
| Pämez' | Oleg Räbov (tal'vku 2018—) |
| Telefonkod | +7−49 243-xx-xxx |
| Avtokod | 33 |
| Aigvö | UTC+3 (MSK+0) |
Kosterövo (ven.: Костерёво) om Venäman lidn da lidnankund Vladimiran agjan suvipäivlaskmas. Se om Petuškan rajonan kaikiš penemb lidn eläjiden lugun mödhe.
Istorii[redaktiruida | redaktiruida purde]
Eländpunktan aluz om pandud vl 1890 kuti žilo raudtestancijanke ühtes. Se om nimitadud stöklantegimen pidajiden kanzannimen mödhe. Kosterövo kändihe radnikžiloks vl 1938. Radnikžilo sai lidnan statusad vl 1981.
Kosterövo šingotase tehnižen plastmassan pästandal i mecan ümbriradmižel.
Geografijan andmused[redaktiruida | redaktiruida purde]
Lidn sijadase Sur' Lipn'-jogen randal (Kläz'man hura ližajogi, Volgan bassein), 115 m keskmäižel korktusel valdmeren pindan päl. Matkad Kläz'man randhasai om üks' kilometr suvhe, Vladimir-lidnhasai — 52 km pohjoižpäivnouzmha. Matkad lähembaižhe Petuškad-lidnhasai om kuz' kilometrad päivlaskmha sijaližedme avtotedme. «Volg»-avtote (M7) mäneb koume kilometrad pohjoižhe lidnan keskusespäi.
Kosterövo om lidnankundan üks'jäine eländpunkt.
Eläjad[redaktiruida | redaktiruida purde]
Vn 2010 Venäman rahvahanlugemižen mödhe eläjiden lugu oli 9 073 ristitud. Kaikiš suremb ristitišt oli enamba 11 tuhad eläjid vll 1979−1996 (11 777 rist. vl 1989).
Ortodoksižen hristanuskondan kahten pühäpertin[1] arhitekturine ansambl' sijadase lidnas.
Professionaližen opendusen aluzkundad ratas lähembaižiš lidnoiš.
Transport[redaktiruida | redaktiruida purde]
Ühtennimine raudtestancii sijadase «Moskv — Vladimir»-raudtekeskustal. Avtobusad ühtenzoittas lidnad rajonkeskusenke, ezilidnelektrojonused — Moskvanke i Vladimiranke.
Galerei[redaktiruida | redaktiruida purde]
Ph. Stroican (ezimal) i Ristan Zdviženjan jumalanpertid, vn 2010 nägu
Puine pertišt (2010)
Kosterövo-päraudtestancijan sauvuz vl 2010
Homaičendad[redaktiruida | redaktiruida purde]
Irdkosketused[redaktiruida | redaktiruida purde]
 |
Kosterövo Vikiaitas |
| Vladimiran agjan lidnad | ||
| Aleksandrov | Gorohovec | Gus' Hrustal'nii | Jur'jev Pol'skii | Kameškovo | Karabanovo | Kiržač | Kol'čugino | Kosterövo | Kovrov | Kurlovo | Lakinsk | Melenkad | Murom | Petuškad | Pokrov | Radužnii | Sobink | Strunino | Sudogd | Suzdal' | Vladimir | Väznikad | ||