Strunino

Strunino
Струнино

Lidnanznam	Flag
Valdkund	Venäma
Eläjiden lugu (2021)	11,774 ristitud
Pind	10,08 km²
Pämez'	Sergei Jegorov (reduku 2016—)
Telefonkod	+7−49 244-xx-xxx
Avtokod	33
Aigvö	UTC+3 (MSK+0)

Strunino (ven.: Стру́нино) om Venäman lidn da lidnankund Vladimiran agjan päivlaskmas, sen Aleksandrovan rajonas. Se om Aleksandrovan päivlaskmaine ezilidn.

Istorii

Eländpunkt mainitase ezmäižen kerdan vl 1492. Vozil 1876−1881 järed tekstil'fabrik om saudud küläs, Baranov-torgovan pidi sidä vhesai 1917. Vl 1938 radnikžilo sai lidnan statusad. Vozil 1941−1965 oli Struninon rajonan administrativižeks keskuseks.

Struninon ižandusen päsarakod oma erazvuiččiden kanghiden pästand (sidä kesken steriližiden), katusiden, pölusiden, havadoiden i ruzuiden pästand magaduzsijan täht, sömtegimišt (kofen pakuitez), mugažo polimertaran tegim om saudud. Tegimištoline «Strunino»-park radab i andab radinsijid lähižen Aleksandrovskan täht.

Geografijan andmused

Aleksandrovan rajonan sijaduz agjas vn 2010 kartal

Lidn sijadase rajonan keskuzpalan päivlaskmas, Klinan da Dmitrovan kukkazsel'gan päivnouzmaižes palas, Pičkuranjogen randal (ven.: Пичкура 43 km pitte, Čornai ülezjogen, Kläz'man bassein), 170 m ü.m.t. keskmäižel korktusel.

Matkad Vladimirhasai om 131 km suvipäivnouzmha, Aleksandrov-rajonkeskusen röunhasai — kuz' kilometrad päivnouzmha. Ühtennimine Strunino-raudtestancii radab «Moskv — Jaroslavl'»-raudtekeskustal.

Tobmuz

Strunino om lidnankundan üks'jäižeks eländpunktaks.

Lidnan Administracijan pämez' om Aleksandr Žuginskii vn 2020 sügüz'kuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 14 369 ristitud, vn 2021 — 11 774 ristitud. Kaik 13 281 eläjad oli lidnas vl 2017. Kaikiš suremb lidnan ristitišt oli 21 tuhad eläjid vl 1967.

Ortodoksižen hristanuskondan nell' pühäpertid oma avaitud lidnas: kaks' jumalanpertid i kaks' časounäd.

Openduz

Lapsiden opendusen aluzkundad oma koume nomeruidud päivkodid (nomer 34, 35, 36), kaks' keskškolad (nomer 10 i 11), lapsiden ližaopendusen keskuz, Aleksandrovan rajonan čomamahtoiden školan filial, lapsiden da norišton sporttervehtandkeskuz.

Professionaližen opendusen aluzkundad ratas lähembaižiš lidnoiš.

Galerei

• 
  Istorine Baranovoiden manufaktur vl 2015
• 
  Sündun Toižetamižen jumalanpert', vn 2015 nägu
• 
  Tegimištzon vl 2015
• 
  Jumalanmaman Emäganpäivän jumalanpert', vn 2016 nägu
• 
  Strunino-päraudtestancijan sauvuz vl 2009

Irdkosketused

• Lidnan tobmuden aluzkundoiden oficialine sait (городструнино.рф). (ven.)
• Lidnan informacine portal (strunino.my1.ru). (ven.)